هل العين تعطل كل شيء ؟

بنات الله يسعد اللي تساعدني ويفرج همها
انا لي فوق السنه حياتي واقفه تماماً ما اقدر اسوي اي شي لا ادرس ولا اهتم بنفسي وزني زاد وشكلي
تغير 180 درجه وحياتي توقفت تماماً ونفسيتي زفت وكل مالها بالاسوء وصرت اكره الناس
ولا اجتمع مع احد ولا اكلم احد ولا اطلع وكل هالاشياء غصب عني حتى العباده اجبر نفسي عليها
وبتفسير بعض الاحلام لي اني محتاجه رقيه
تحلمت حلم بالضبط يحكي حالي زي الوزغ منتشر حولي مايخليني اتحرك وانا ثابته فمكاني
ماقدر اهرب ولا اقدر اتحرك
والمفسره الله يجزاها بالخير فسرتلي وصف حالتي بالضبط وقالتلي محتاجه رقيه
هل العين او الحسد يعطل كل شيء ؟!
لأني بديت ارقي وجتني شوية اعرض من بكا وصداع وحراره في الجسم ورغبه في الاستفراغ
والام في الكتف واسفل الظهر والام في المفاصل واحس زي فكي مع القراءه كأنه يتشنج وانتو بكرامه
احس بزي البلغم كمان في حلقي وزي لوعة الكبد وبطني يعورني مره ويجيني وانتو بكرامه اسهال
وعند الرقيه لما الشيخ يقول النفور من المجتمع ابكي بقوه
وامس وانا نايمه بعد الفجر قبل لا انام حسيت احد دفني على السرير وحسيت بالدفه يعني ماكنت واهمه

ايش اعمل الحين ؟ اشغل رقيه فالبيت يعني ولا كيف ؟! الله يجزاها خير اللي تساعدني مادري وش اسوي
لأن متضايقه من حالي مره بس مابيدي شي اسويه كأنه في شي يمنعني اتحرك او اسوي اي شي !!
الله يجزاها بالجنه ويفرج كربتها ويرزقها ضعف ماتتمنى ويوفقها ويسعدها اللي ترد علي