هل الفرق في التعليم يأثر على نجاح الزواج؟؟

الفكر ماله دخل بالتعليم احيانا فيه وحده عندها الثانويه وتجاري فكريا اللي عنده ماجستير والعكس فيه ناس عندهم ماجستير شاطر فمجاله بس ولو تناقشيه فأي شي ثاني ماتعطيه ثانويه .... الاطلاع وتنمية الفكر والقراءه هي اللي تفرق فهذا كله ..

فيه فرق كبييييير بالتفكير,,, ومافي شخص ماخذ دكتوراه بقلب صادق واجتهاد راح يقول لك ان تفكيره بعد الثانوية هو نفسه تفكيرة الان! ولا يمكن يقول لك ان تفكيرة بعد البكلوريوس هو نفسه تفكيرة بعد الدكتوراه... الدكتوراه تعلمك فن النقد, فن التحليل, فن حل المشاكل, فن النقاش, فن الدفاع... هذي الفنون ماتجي من الباب للباب! الاخت شيهانه فوق تقول وش دخل النحو والفيزياء وما الى ذلك... من قال لك ان التعليم راس ماله مادة تدرسيها؟ التعليم ثقافة, خبرة, تجارب...

انا درست كل هالمراحل وباقي لي كم شهر واسلم رسالة الدكتوراه, ومستحيل ولا يمكن اقول لك اني انا هي نفسها ليال الي كان معها بكلوريوس... مرحلة الماجستير بالنسبة لي كانت مفصلية... غيرتني وغيرت تفكيري التجارب الي مريت فيها قلبت موازيني كلها...

زوجي عنده ماجستير, فالحمد لله متفاهمين, واضافة الى كذا عنده خبرة عملية كبيرة فهالشيء يضيف الى رصيده الي انا ما امتلكة... فاحنا متعادلين,خبرته العملية مضافة الى خبرتي العلمية, ومكملين بعض... بس كان دائما يقول لي وش نظرتي له كوني ادرس دكتوراه وهو لا, وسالني كثير هل ادرس دكتوراه والا ما ادرس... وسمع نصيحتي لما قلت له لا تدرس... وهذا يمكن الشيء الوحيد اي اقنعة اني فعلا ما اشوف الشهادة هي الميزان...

انا ماكان عندي مشكلة اخذ شخص بكلوريوس, لان هذا الدارج اصلا, بس المهم يكون انسان متفتح ومثقف وعنده قابلية يسمع وياخذ ويعطي معك, ومو اذا نصحتيه شيء يشب عليك يقول تعلميني تحسبين نفسك احسن مني وو و و من الخرابيط... المرأة بنظري اقل عرضة للحساسية من هالناحية...

في ناس يفرق معاهم الموضوع وناس ماتفرق
كل شخص و قناعاته

على حسب ناس يأثر فيهم وناس لا
اعرف واحدمعه بس المتوسط وزوجته جامعية مرة كأنه امي مايحب يقرا ولايثقف نفسه ولا عمره ارسل لزوحته رساله بالجوال مع انها ترسل له ويقرا رسايلها بس يمكن من طبيعته وبروده وعجزه مايرد واشيا اكثيره في الحياه مايعرفها حتى في بعض امور الدين يعني زوجته بصراحه تعاني منه ثقافته ثقافه تلفاز فقط للأسف وهي ندمانه انها وافقت بسبب قله المال اكثر من عدم الثقافه خصوصا صفاته نوعا ما تختلف عنها وتثير غضبها ببروده وعجزه وتضرفاته الاشبه بالشيبان
واخرىً لم تكمل الجامعه بسبب ان زوجها انتقل لمنطقه اخرى اصيب بدا النقص فصارت تقلل من شأن الجامعيات وابين نفسها انها عارفه لكل شي وفاهمه
طبعا هذا نموذجين كايمنعون وجود ناس ماتعلمت لكنها مثقفة ثقافه عاليه وذات اخلاق ومعامله وثقة بالنفس افضل من المتعلمين

اشوف انه لا ماياثر