هل الفيتامينات تسمنكم مثلي ؟

السلام عليكم ورحمة الله وبركاته
كيفكون حوائيات العزيزات
الدبدوبات والعصموكات
انا جسمي من النوع القابل للزياده وماينزل بسرعة ... يعني ياويلي لو اشتهي شي واعطي نفس المجال ههههه
زمان كنت اسوي ريجيم ينقص وزني ومره قلت باخذ حبوب فيتامينات عشان لا تتاثر بشرتي وشعري لكن اللي حصل انه وزني بدل ماينقص زاد
وسوست وقلت يمكن من الفيتامينات ودورت بحبيب الشعب قوقل وسالت عن تاثير الفيتامينات وطلعت كل الاجابات تقريبا انه مره مامنها خوف ولا تسمن
قلت بس انا يمكن مخربطه بريجيمي
وبعدها بفترةاشتركت بنادي وكنت اروح النادي مشي حوالي المسافة كيلو اضن .. اروح مشي واتدرب بالنادي وارجع احيان مشي واحيان اتعب مره وسيارة بس الغالب كان مشي
ببداية الاشتراك كنت انزل عادي وممتاز وبعدين اخذت فيتامينات حبه كل يوم لكن اللي حصل انه بعدها مانزلت ولا جرام واحد رغم كل المجهود اللي كنت ابذله
وبرضوه مكذبه عمري وقلت لا مو منها عشان الناس يقولون ماتسمن
بعدها حملت وزاد وزني دايركت وهذا شي طبيعي وكنت اعاني كسل فقلت ماني اخذه فيتامينات الا اللي تكتبها الدكتوره
وفعلا كتبت لي فيتامينات وسالتها يادكتوره ماتسمن ؟ قالت الفيتامينات اساسا ماتسمن وخذي علبتين بدل وحده .... قلت هذا كلام الدكتوره مابعده كلام
والحمد لله اخذت علبه وحده وزدت زياده جباره الحمدلله على كل نعمه
وحتى وقتها كنت اكذب عمري وكل ماسالت احد قال لي مره ماتسمن
مره كنت اسولف مع جارتي وحكيت لها سالفتي مع الفيتامينات وقالت لي انه اختها مثلي اذا اخذت فيتامينات زاد وزنها وصار وجهها مدور مثل القرص
ههههه حلو التشبيه
اخر سالفه حصلت لي قبل اسبوعين تقريبا
اشتريت اشياء عناية زبده شيا وكولاجين وكبسولات الشعر والجسم الاظافر اللي يسمونها حبوب روز
والمفروض الكبسولات ثلاث مرات يوميا لكن انا ما اخذتها الا مره وحده باليوم
وخلال هالاسبوعين مارحت لاهلي .. وبعد ماتميت اسبوعين رحت لاهلي واخواتي يقولون ماشاء الله ماشاء الله
وانا ابتسم واقول بنفسي والله العناية مسوية مفعولها هههههه
وجات امي وطالعت فيني وقالت يابنت وش جاك وشبك ...... مره كان زايد وزني في فترة اسبوعين بس رغم انه اكلي عادي ونظامي ماتغير والله حتى مشغوله عن الاكل
مافي سبب الا حبوب الفيتامينات هذي هي المتهم الوحيد لانها مدججه بالفيتامينات ... والعلبة ماوصلت النص سوت هالعمايل ههههههههه
حسافه متعنية وجايبتها بالطلب
هل فيه احد مثلي يعاني من الفيتامينات ؟