هل اللي سويته مع الراقي اللي يعالجني صح أو خطأ

الأسرة والمجتمع

السلام عليكم ورحمة الله وبركاته

بنات انا لي مده اتعالج عند شيخ وقاريء وفي نفس الوقت معالج نفسي

رحت له مرتين فقط عشان اسمع توجيهاته
وانا اللي أقرأ على نفسي وهو ماعمره قرأ علي

لكن كل بعد فترة ارسل له رساله جوال أقول له الشيء اللي يصير معي بعد الرقيا

لأن انا صار معي حساسيه وضيقة صدر وأعراض طويله عريضة وكنت أقول له عليها بحكم انه المعالج

لكن من شهر تقريبا ً كل ما أرسل له رساله عن حالتي
ألقى عبارات الاطراء منه
احيان لما أكون بخير واقول له على البرنامج اللي اتبعه مثل ماهو موجود في قسم ملاذ الروح
ألاقيه يمدح فيني

ثاني مره رحت له فيها كانت هي المرة الأخيره
كنت الحمد لله مستتره ومتغطية حتى عيوني مغطيتها
وأجاوب على قد السؤال
وأمي معي هي اللي تكلمه وانا استمع له
لقيته يقول حساب علاجك علي ووالله ماتدفعين ولا ريال

قلنا يصير خير
:

وانا يا بنات معي مس عاشق
فلما تعبت ارسلت عليه اسأله شلون اتعامل مع هالتعب
قال لي ( أنا بديت أغار من هالمس )
انا انصدمت من رده

ورديت عليه اني متضايقه
قال حرام الرقه اللي فيك تتحول الى جمود
وانا مستتره وحافظه نفسي
>>> والله يا بنات ان الدنيا لفت فيني

هو ملتزم وراعي صلاح
لكن ماادري هالشيء هذا شلون اصنفه


بعد كذا ارسلت له وقلت هنا يتوقف علاجي معك

قال والله ان مافي قلبي شيء وانما الاعمال بالنيات وانا نيتي صافيه :(

الحين وش اسوي

هل فعلا من خلال رده علي نيته صافيه

مع العلم اني لازم ارجع له وآخذ علاجي منه
وانا في قرارة نفسي كارهه أني ارجع له أو أكمل معه

شوروا علي يا بنات
99
8K

يلزم عليك تسجيل الدخول أولًا لكتابة تعليق.

تسجيل دخول

•●»™Eşcađa ~
•●»™Eşcađa ~
لاوالله نيته موصافيه ولاهم يحزنون
اجل يغار من المس
ورقه ومدري ايش
ايش صاير بالدنيا ياربي كل شي فيها يخوف
شوفيلك شيخ غيره
الشفا من ربي
ربي يشفيك يارب وتكفين لاتكملين معه
قصي ميه
قصي ميه
انا قررت ارد خصيصا بعد ماقريت موضوعك


عزيزتي هالعينه من هالبشر اعرفها زين

هالنوع يتستر بالدين عشان يحقق اهدافه في حياته كلها

ولو هو رجال سليم ماقعد يقول هالكلام لانسانه وثقت فيه واهلها امنوه بنتهم

هالنوع احيان يكون يبي فعلا زواج ولاكن زواج زي وجهه

زواج نزوه

اعجبتيه ويتزوجك وفتره يطلقك ويدور ثانيه تجي تقرا عنده ويتزوجها وبعده يشوف غيرها وتلقينه متزوج 20 وحده قبلك

وكل امورهم تمشي بالسر وبالدس

ولعلمك الزواج يكون عنده ببلااااش او مبلغ رمزي لانه رجال دين بعيون الناس ولان بيعالجك لازم تزوجينه ولانك تحبينه راح توافقين

وهذا اللي بباله


يعني هالنوعيه زباله ويكرم السامعين ويترزقون من هالعالم بدعوى الشفاء والرقيه وهم بانفسهم بحاجه الى شفاء


نصيحتي لك انتي اقري على نفسك سورة البقره داومي عليها وخلك على وضوء دايم

ولاتروحين للنصاب هذا وغيره يضحكون عليكم
الشررررسه
الشررررسه
انصحك لا تروحين له لان اكثلرهم نصابين الا من رحم ربي

وهذا اولها ينعاف تاليها
الحلى كلوو
الحلى كلوو
لاحول ولا قوة الا بالله حاولي لاتروحين له الا مع امك ولاتكلميه خلي اطك تكلمه اذا تبين شئ
غـــدير
غـــدير
أولا الله يثبتك اختي ووويفرج همك ويشفيك ويعافيك وكل مسلم يارب


ثاني شي الله عملتيه بالرسايل اشوفه فتح باب عليك المفروض تكلمينه باوقات دوامه

وبطريقه طبعا رسميه وفي وقت رسمي بالشي الي حسيتيه من اعراض

طبعا الي صار خلاص صاار ولما قلتي تبغين توقفين علاجك معه

هذا هو عين العقل لان الي قال مايدل ابدا على حسن نيه

يقل بديت اغار من المس ويقول حسن نيه وين حسن النيه بكلامه هذا ؟؟؟؟

اختي نصيحه من ترك شي لله عوضه الله خير منه

وتاكدي من شيخ اخر من اللي فيك ربما حسد ومايكون فيك مس باذن الله

والقراء كثيرين اسالي وبتلقين ان شا الله

وسمعت ان فيه راقيات مشهود لهم بالخير افضلك

والرقيه على نفسك افضل واكثري من موية زمزم والدعاء

اسأل الله ان يعافيك ويشفيك يارب