السلام عليكم حوائيات
عندي استشاره وعلى ماكثر انا مهمومه قلت في نفسي ماخاب من استخار ولاندم من استشار
وان شاء الله راح استخير لكن قبل ودي انزل الموضوع عشان اعطيه وقت لجمع اكبر عدد مكن من الردود
ولادتي باذن الله مقرره في الاسبوع 37 من الحمل والسبب اصابتي بمرض تجلط الدم واستخدم
ابر مسيله للدم يوميا ..
في السنه اللي فاتت كنت ايضا حامل بولد وفي الاسبوع 38 نص التاسع مات ولدي الله يخلفه علينا
ويجعله لنا شفيع .. قالوا لي ان عندي جلطه بالمشيمه سببها مرض التجلط
كان اول ولد لي بعد خلفة بنات ... ومن فرحتي فيه ماتركت شيء ماشريته وجهزت له جهاز مبالغ فيه
والحمدلله على كل حال .. دخلت المستشفى بشنطتي وملابس ولدي ماكنت ادري انه بدال مايلبس
ملابسه بيلبس الاكفان والف الحمدلله والشكر على قضاءه وقدره
طبعا الاغراض كلها اخذوها اهلي من بيتي وقت كنت نفاس عندهم .. وامي مقفله عليها بشنطه
عندها تقول ان شاء الله لاخوه اللي بعده
ياقلبي اميمتي ماتدري ان اللي في بطني بنت
امي تقول لي خذي الشنطه جهزيها لان ولادتي قريب وماباقي على الاسبوع 37 شيء
لكني متخوووفه من هالشنطه .. وكنت عازمه اني اروح للمستشفى من غير شنطه واذا ولدت بالسلامه
اقول لبناتي يجهزون لي ويرسلونها .. لكن خفت انه يكون من باب التشاؤم ؟
هل هذا من باب التشاؤم ؟؟ ابي الفال الحسن .. ماابي اتشائم ؟؟
غير كذا الملابس اللي فيها لونها ابيض وازرق
الابيض عادي اقدر استخدمه للبنت .. لكن الازرق وش اسوي فيه ؟ فكرت اخذه معي المستشفى
واوزعه هدايا للامهات اللي جابوا اولاد ماشاء الله .. بعدين افكر واقول لو اتصدق به احسن ؟؟
طبعا مستحيل اقدر ارجعها لان مر عليها اكثر من سنه .. لاني فكرت ابدلها بملابس لون ثااني
غير كذا ماابي اشوفها .. ماابي الحزن يرجع ويتجدد :44:
ماادري وش اسوي ؟؟؟
شوروا علي .. اخذ معي شنطه لللمستشفى ؟ واذا مااخذت هل هو تشاؤم فعلا ؟
لاني مانويت اجهز للبنوته الا بعد مااجيبها بالسلامه
وايش اسوي بجهاز ولدي الله يخلفه علي ؟
انتظركم
استيل @astyl
محررة
يلزم عليك تسجيل الدخول أولًا لكتابة تعليق.
متحمسه12
•
لاتاخذين اي شي الا بعد الولاده سواء كذا والا كذا عندنا الوحده تروح وهي مرتبه كل شي
فالبيت وتدل اي حد عليهم وبعد ماتقوم بالسلامه وتصير فيها حيل تقوم وتلبس وترتب الغرفه
واصلا لين يطلعون لها غرفه خاصه فيها بعد غرفة الافاقه
اهلها يجيبونه لها
فالبيت وتدل اي حد عليهم وبعد ماتقوم بالسلامه وتصير فيها حيل تقوم وتلبس وترتب الغرفه
واصلا لين يطلعون لها غرفه خاصه فيها بعد غرفة الافاقه
اهلها يجيبونه لها
الله يخلف عليك ويقومك بالسلامه
صدقني موت ولدك فيه خيره بس ماندري وين
واسئل الله ان يطرح البركه في بناتك ويكونن صالحات مصلحات
صدقني موت ولدك فيه خيره بس ماندري وين
واسئل الله ان يطرح البركه في بناتك ويكونن صالحات مصلحات
الله يخلف عليك وعلي وكل من انفجعت ويسهل لنا ولادتنا هذي ويبارك لنا ولايحرمنا
انا من رايي خوذي الشنطة معك لبسي البنت الابيض والازرق عطيه اي وحدة بالمستشفى جايبه ولد بنية الصدقة وتعوذي من الشيطان ماشالله وحده اعرفها ماتت بنتها وخلت عندها الشنطه ولبست الملابس البنت الي بعدها عندها حسن ظن بالله وربي عوض عليها وهي لسى ماكملت السنة
انا من رايي خوذي الشنطة معك لبسي البنت الابيض والازرق عطيه اي وحدة بالمستشفى جايبه ولد بنية الصدقة وتعوذي من الشيطان ماشالله وحده اعرفها ماتت بنتها وخلت عندها الشنطه ولبست الملابس البنت الي بعدها عندها حسن ظن بالله وربي عوض عليها وهي لسى ماكملت السنة
الصفحة الأخيرة
يا قلبي الله يتمم لك حملك وتقومي بالسلامه إنتي وبنتك
خدي معاك شنطه إذا إنتي مو مرتاحه للملابس اللي قبل خدي لبس جديد بس لبسه وحده
وعلى العموم إنتي أحسني الظن بالله وربنا عند ظن العبد به
واتصدقي عنك وغن البيبي