الله يرزقك كل ماتتمنينه

لاحول ولاقوه إلا بالله والله ياأختي ماأقدر أحكم لأني مااعرفك عن قرب ,لأنه بالعاده حتى لو فيه نفور من كم شخص إلا يلقى الإنسان من ينسجم معه ,بحالتك أنتي وزوجك وعيالك غريبه ,الأفضل تسألين وحده صريحه حولكم أو تكلمين شيخ وتستفسرين منه يمكن فيه سبب ,سبق وقرات معلومه أن الاشخاص المسحورين يعانون من نفور الناس لكن مو شرط تنطبق عليكم , وأحب أقولك دام أنك محترمين وماتغلطون على أحد ماعليك مصير الناس بتعرف الحقيقه وترجع لكم.

الله يجزاها خير الاخت توتي لاحلى الهمسات ويعافيها ويشفيها كفت ووفت مشاء الله ولاقوة الا بالله 

قد يكون و قد يكون وقد يكون والعين حق و السحر و الحسد حقيقة لا مفر منها
لكن هل من المنطق أن تضيعين وقتك في تفسير تصرفات الناس ؟؟!!
1- اشتغلي على نفسك وعلى اولادك من حيث المعرفة تطوير الذات المظهر الأناقة ولا تنتظرين من احد شي
2- وبالنسبة لبيت اهلك زوريهم وبري بوالديك بمبلغ شهري بسيط او اذا ماتقدرين تخلينه عاده جيبي عوده بخور ثوب حلو للوالدة شي بسيط للوالد
3- مثلا جارتك سوي لك طبق حلا وثلاجة قهوة و كلميها اسأليها مرة عن أكلة حتى لو انتي عارفة الطريقة مثلي انك مهتمة وبعد ماتسويها ارسليلها منها شوي اقترحي اي طرق للتواصل بينك وبينها بس لا تثقلين ع الآدمية
ولا تستعجلين ع النتايج

الله المستعان توكلي على الله الجميع يحبك بس يمكن هم اكثر تجمع وانتي تكوني مشغوله ولا تجتمعين وتحصل بينهم ألفه لكن صدقيني الجميع يحبك ولا يستغنون عنك الله يحبب فينا خلقه فيه