انا ولدت بالعسكري اللي بالرياض صراحة ماتوقعته كذا صحيح انه في البداية مايعطون وجة لكن الحمد الله ولدت في غرفه وحدي وكل شي عندهم مجهز من احسن مايكون وبعدين الاشياء الاساسيه موجودة بس انا عامله حسابي وجبت كل شي معي وسلامتك

شوفي حبيبتي ترى المستشفيات الحكوميه تختلف عن بعض وانا جربت ببكري في حكومي بس وفروا الحليب وجلست عندهم عشر ايام وكانت بنتي في الحضانه لانها الله يكرمك تبرزت في بطني وشربت منه اما اللي يولدون طبيعي البيبي يكون معهم اما الحفايظ والفوط من عندي انتي جهزي كل شي في شنصة البيبي اريح لك

شوفي انا ولدت بمستشفى بريده عقب ماتنومت شهر وزياده والبيبي مات
يعني ماجربتهم من ناحية المواليد
والفوط الصحية يوفرونها لك اذا طلبتي وهم اللي يسونها لاني مره وانا اتمشى ايام ماكنت منومه شفت سستر تاخذ قطن وتلفها بالشاش
ويوم فيني الطلق امي
طلبت فوط صحيه علشان تحط لي فيها حلتيته وجابو لي وحده وكل ماطلبت جابوا لي حبه
اما الصابون كل مغسله عنها علبة صابون ومناديل وكل يوم عاملات النظافه يطلون عليه يشوفون فيه ولا يعبونه
مع العلم على حسب امانة العاملة اللي عليها الدور
لانو مرة خلص الصابون اللي عندي وقلت لها تعبيه وقالت الحين وراحت ولارجعت واللي جات بعدها اول ماقلت لها عبته .. واذا بتتروشين خوذي معك شامبو صغير وكريم لشعرك ولو شعرك محتاج استشوار وانتي بغرفه خاصه عشان ماتزعجين الحريم الوالدات برضوا خوذي
3/النظافة التامة لدورات المياه ..انا كنت في غرفه خاصه ومالاحظت زود بالنظافه بس مالاحظت اهمال
لاتنسين تاخذين الواقي حق الكرسي الفرنجي اللي يصير مثل المناديل على شكل كرسي الحمام
4/حفائظ البيبي وكم عددها؟؟ مااااااااااااادري
5/كم تجلس اللي والد طبيعي عندهم يوم واحد انا ولدت بالليل وطلعت الظهر من بكرا
6/اذا كان وزن الجنين مثلا كيلوين هل يحطونة بالحضانة وكم يجلس فيها او يخلونة عند امة؟؟ ماااااااادري بس اتوقع على حسب صحته

اما بالنسبة للي عندهم فيروس الكبد هل يحطونهم بغرفة عزل لوحدهم او مع باقي المريضات
مااااااااادري
ادري طولت عليكم بس مالي الا الله ثم انتم
حياك الله وحنا بالخدمه وتراي ولده قبل اكثر من سنه

انا الحمد لله جربت مستشفى بريده قبل سنتين وشوي الحمد لله ماعليه صح عليه بعض الملاحظات لكن الحمد لله عدت ووفروا لي الفوط وحفايظ البيبي والحليب وعطوني بعد الولاده حليب ساخن والله معاملتهن بعد الولاده ممتازه أحسن مهم فبل الولاده واهم شي الدعاء والله كريم يسر لك الامور

لــــــــــــــــــــــــلـــــــــــــــرفـــــــــــــــــــــــــــــــــــع