هل المطبخ التحضيري مفيد ؟ ولا ماله داعي ؟

السلام عليكم ورحمة الله وبركاته
انا محتاره في المطبخ التحضيري وابي استفيد من ارائكم خاصتاً المجربات
هل تحسين المطبخ التحضيري ضروري يكون موجود في الصاله ؟ ام انه وجوده فقط منظر ولا فائده منه ؟
انا بتكلم عن بيتي وعلشان تعطوني رايكم
انا عندي مطبخ رئيسي وكبير في الملحق طبعاً قريب من قسم الخدامه وغرفة الغسيل الخ
يعني تكون الخادمه متواجده فيه 24 ساعه يكون فيه الطبخ والنفخ والغسيل والشغل
اما الصالات ومكان جلستنا افكر يكون فيه مطبخ تحضيري صغير مفتوح علي الصاله
ويلبي احتياجات عيالي وابوهم يعني اللي يبي اكل خفيف او كوفي او ماي او اي حاجه خفيفه
مايحتاج يروح لمطبخ الملحق او يصادف الخادمه خاصتاً ان عيالي في سن مراهقه وما احب انهم يختلطون مع الخادمه
لكن افكر انه راح ياخذ مساحه علي الفاضي لان بيتي صغير والملحق مو بعيد حيل عن الصاله يعني اخاف اتندم
اني اسوي المطبخ ومااستفيد منه بعدين او يسبب لي مشاكل مع الاطفال اللي يزوروني مع امهاتهم لان المطبخ راح يكون مفتوح وصعب يتسكر
فشرايكم انتوا لو كنتوا بمكاني تحطون المطبخ ولا ماله داعي