المشكلة فيك أنتي وأسمحيلي زوجك طبيعي 100%
لكن أنتي وواضح جدا من كلامك أن المشكلة عندك صدقيني كان بأمكانك أنك تشكلينه
على الشخصية إلي أنتي تحبينها طالما أنه طيب لكن أنتي غير مقتنعه فيه من الأساس
يعني بأختصار هو ماهو مالي عينك
الله يعين زوجك المسكين والله ما يستهل وين تلاقي الوحده في ذا الأيام زوج يقدرها ويحترمها
أدعي ربي واكثري من الأستغفار وغضي بصرك لأن اطلاق البصر طريق لكل شر

الله يحنن قلبك.. بس رجال زي كدا ماشاء الله اللهم صلي على سيدنا محمد ماتلاقي زيه..

ادعي ربنا يحنن قلبك عليه ويزرع حبه فيكي..

بالتوفيق

أتوقع كل البنات اللي ردوا عليك ..ما راح يحسوا فيك زي اللي مجرب مثلك .. آآآآآه وألف آآآآآآآآه معاناتي زي معاناتك ..

ما أحب زوجي أبداً ولو يغيب عني شهر أو سنة عادي ما يحرك فيني ساكن ولي 9 سنوات متزوجة ..

حاولت وحاولت وحاولت .. أني أنفصل طوال السنوات الماضية وكل سنة أروح لبيت أهلي وأقول لهم ما أبيه بس للاسف يجي ويأخذني ويرفض يطلقني .. ما أدري وش أسوي ...

إذا كنتي عايشو مع واحد ما تحبينه وشلون تعطينه اللي يبي صعبة جداً ولا راح يحس فيها إلا اللي مجبرها ..

الله يصبرنا جميعاً ..

الله يسامحكم..
حطيتوني متغطرسه وشايفه نفسي عليه وابي واحد يكفخني ويضربني !!!
مادري انتم ماقريتوا الموضوع ورديتوا كذا ولا قريتوه وهذا هو فهمكم للشخصيه القويه للرجل ضرب وشتم وسب !!!
اذا كان هذا فهم بعضكم للرجوله وتفسيركم للشخصيه القويه فأنا رح اتجاوز الرد مع مثل هالعقليات..
لان الصمت افضل من الجدل العقيم..
وفيه ردود وقفت عندها كثير وتأملتها اكثر واقسم بالله دموعي نزلت وأنا اقرأها ودعيت من قلب مخلص وصادق لاصحابها...
ورح ارد على كل وحدة بالترتيب حتى ازيل الغمامه الي حصلت وبسببها فهمتوني غلط واتهمتوني اتهامات مبطنه...
انا مارح الومكم احتمال اني ماوضحت لكم بالشكل المناسب..
انا ويشهد علي ربي لامغرورة ولامتغطرسه ولاشايفه نفسي عليه بالعكس انا اشوف انه يستحق وحدة احسن مني تقدر حبه وتفانيه
ولو كنت مغرورة واعامله معامله سيئه ماكان حبني وتفانى لاجل يرضيني...
ويعلم الله اني قايمة بكل واجباتي على اكمل وجه وماقصرت عنه بشي لكن الي ما أملكه وهو قلبي ماقدر امنحه له لاني ببساطه ما املكه يعني موبيدي احبه بالغصب !!
ولو اني اتدلع زي ماتقولون ماعشت 7 سنين على الصبر وعلى امل اني من الممكن احبه ويجي يوم وانظر له كزوج مو شي اخر

ليه شي مو طبيعي فيه حديث عن الرسول عليه الصلاه والسلام بس مااذكر نصه ان فيه وحدة جت للرسول تبي الطلاق والسبب انها ماحبت زوجها لانه قصير ودميم...
عالعموم مشكورة وجزاك الله خير
وسورة البقرة شغاله في بيتي على طول لاني اشعر بأثرها على نفسيتي