حبيبتي موشرط تحبينه انا معك المراه عاطفيه بطبعها بس الطلاق مو اخر الحلول عندك ولدين وتبين الطلاق مايصير وبصراحه الرجال مافيه عيب احمدربك مو راعي مخدرات والا واحد يصبحك ويمسيك بصراخ وضرب ومالك الاترضين بواقعك وتعوذي من ابليس وشيلي فكره الطلاق من راسك والدعاء باخر الليل

إنما العلم بالتعلم
والطبع بالتطبع
والحب بالتحبب

تحببي اليه بمعنى حاولي تحبينه
وشوفي صفاته الحلوة
اليوم الاول قولي اني احبه لانه زوجي
اليوم الثاني قولي اني احبه عشانه ابو اولادي
الثالث كريم
الرابع حنون
الخامس رومانسي
السادس يتحمل اخطائي
وهكذا اقنعي نفسك ان وحدة من هذه الصفات لو كانت في شخص فانه يستاهل الحب فكيف بها مجتمعة

وادعي في جوف الليل وقولي اللهم اقذف في قلبي حبه وحنن قلبي عليه واعني واياه على تنشئة ابنائنا وتربيتهم التربية الصالحة

وباذن الله راح تغيرين من نفسك وترتاحين

حبيبتي يمكن صحيح اللي حكيتيه و أصعب شئ على الأنثى أن لا تحس برجولة زوجها
بس حبيبتي مثل ماقالو البنات الواقع غير الكلام و أول شئ اسألي شيخ عل هذا سبب كافي للأنفصال حتى لا تكوني مثل ما قال عليه السلام بما ما معناه من طلبت من زوجها الطلاق من غير بأس فحرام عليها رائحة الجنة
على الرغم من أني أراه سبب كافي للأنفصال و لكن لا يمكن أن أفتي بغير علم
النقطة الثانية صدقيني الشيطان بكبر الأمر و يهوله ليبغض لك زوجك استعيذي بالله منه وحاولي تحبيه بطريقة أن تضعي مميزاته أمامك و قارنيه بمن حولك من الأزواج مثلما ذكرتي عنه أرى أنه و إن وجدت ما تريدي في غيره فلن تجدي ربع ميزاته و حسناته التى ذكرتي هذا إن كتب الله لك نصيب فالأن تجدي الصبية ماتعدت 25 في قطار العنوسة
ربي يعينك و ما لك إلا سهام الليل لا تخطي
و إن كان لها أمد و للأمد انقضاء

اللي فهمته انه يداريك ويدلعك ولايرفع صوته عليك ولا يقدر يقولك كلمه لا من حبه لك
بس اللي مافهمته كيف تعتبرين هذا عيب او عدم رجوله مثل ماوضحتي..؟
بالعكس هذي قمة الرجوله ..
انه يمسك غضبه معك ويكتم في صدره ويبين لك العكس لأجل ماتزعلين هذا تضحيه كبيرره منه
وانتي بدل ماتقدرين قاعده تشتكين !!
الرجوله ماتقاس على تعامله معك بخشونه وجلافه وشوية دفاشه بالعكس الرجوله انه يعاملك برقه اماالخشونه يخليها للي برا
الله يهديك بس وحده في عمرك مفروض ماتفكر في هالطريقه المفروض تكونين اوعى وانضج من كذا
و انتي رافضه تحبينه لأنه ببساطه فيه صورة في خيالك تبغينه يكون نسخة طبق الاصل عنها ومو راضية تقتنعين انه لايمكن يصير نفسها
وصدقيني مااعتقد راح تلقين احد بنفس مواصفاتك الخياليه !!
الزبده .. اذا انتي ماحبيتيه فتأكدي انك انتي السبب ومو شخصيته
بس تذكري ان اطفالك يحبونه
وهو يحبهم
وان تفكيرك بالانفصال تفكير اناني
لأنك مثل ماتعانين اكيد هو يعاني من مشاكل في شخصيتك لكنه يتغاضي
ولاتعتبرين سكوته ضعف بالعكس هذي قمة القووه
على العموم الله يعينك وينير لك طريقك

شوفي انتي ذكرتي سيئه وحده فيه انه موب شخصيه والسيئه الثانيه انك ماحبيتيه وهذا السبب هو الللي خلاك تقولين انه ماعنده شخصيه ويمكن عنده بس انتي مو حاسه فيها

وتناسيتي كل حسناته مع انها كثيره واللي تطغى حسناته على سيئاته في هالزمن يعتبر كامل والكمال لله سبحانه

والشخص الكامل غصب كل الناس يحبونه لاجل اخلاقه واللي اخلاقه زينه الله سبحانه يحبه ومن باب اولى زوجته تعشقه مو تحبه وبس

وانا بقولك قصة وحده اعرفها تزوجت واحد حبييب وملتزم ولاحبته لكنه هو يموت عليها وبعدين طلبت الطلاق وهي ماكملت معه شهرين

نسيت اقولك انها تقول اني مااحس انه شخصيه واحس انه غبي ومومتطور

والبنت هذي جميله وابوها غني مره وصغيره عمرها تحت العشرين

المهم خذها واحد من زملاء اخوانها كان دايم يجيهم ودايم تشوف صوره مع اخوانها وكانت تحس انه هو فارس الاحلام لانه شكله شخصيه ومتطور ونفس الوقت غني ودكتور اسنان بس عيبه مطلق
المهم عاشت معه في جحيم لايطاق وهي عروس ومتصبره عليه لانها تحبببببببببببببه بجنون وهو مادرى عنها
المهم صار بخيل لابعد درجه تتوقعيها في البخل
وتخيلي تموت عليه من الحب وهو مانام معها ولا يدري اهي بكر ولا لا
وكل شوي يجيب طاري طليقته ويوريها صورها وهي بقمصان النوم مع انه مطلقها بهواه

المهم كل هالمصايب والبنت صابره كل من اجل الحب ولا علمت اهلها بشيئ

الين صارت البنت مسواك من الحب اللي ذبحها والرجال مادرى عنها واكتشفوا اهلها في الاخير كل اللي في بنتهم
وطلقوها غصب مع انها ماودها تقول يمكن يتغير ان شاء الله يجي اليوم اللي يحبني فيه
والحين تدعيله بالتوفيق

وش رايك وش نفعها الحب اللي حبته لهالرجال

فيه اعرابيه تزوجت فلما سألوها هل احببتيه قالت ليس المهم ان احبه المهم ان يحبني

لان الحرمه اذا حبت تعذبت والرجال موداري عنها
اما الرجال اذا حب الحرمه خلاص ناظر خاطرها ودلعها الين غصب تحبه لافعاله

الله يقذف حبه في قلبك ويصبه صب ويريحك مع زوجك العمر كله

قولي لي رايك في القصه اللي ذكرتها لك