هل الي سويته اليوم صح وش الحل معاه

اليوم جيت من دوامي ميته تعب وبنتي مخليتها عند زوجي . المهم شفت في جواله مؤشر رسائل البي بي . المهم قلبي قارصني ولأن بنتي ما خلتني انام قعدت أفكر في رسائل البي بي في جوال زوجي رحت نزلت البرنامج و قلت خليني اكلمه على إني بنت . زوجي قبل كذا لقيت له صور بنات و مو مخلي برنامج إلا يطلب تعارف بنات وحنا ما كملنا سنتين زواج . واجهته انكر وبعدين قال من الطفش .عذر أقبح من ذنب. المهم كلمته اليوم ابشوف هل مازال على عادته القديمه فاستجاب لي وقلت له ممكن اقابلك قالي لو تبغين الحين ومسمي نفسه سلطان . وبعدين قفلت وأرسلت له على الوتس اسأل وينك كان متصل انا زوجته قلت له خذ راحتك يا سلطان. دقايق وهو عندي . وكلمته بكل هدوء لان قبل كذا عصبت وصارخت ما تضرر غيري كنت وقتها حامل وهو يتسلى قليل الادب. طبعا ينكر و وريته كل الاشياء الي لقيتها في جوالاته كنت محتفظه فيها من قبل كدليل ولأني ما تحمل هالشي لو استمر .وجهه مصفق من كلامي قلت له انا لو استمريت معاك راح انحرف زيك و اكلم زيك دعوتي عليك ان الله يبليك بزوجه تجيب راسك الأرض لأني تعبت وانا احاول فيك.هو خيانته الي ماسكته عليها كلها الكترونيا طلبات تعارف و حساب في تويتر يتابع عاهراته ومقاطع جنس. الغريب انه بطل يقولي كلام حلو وفي العلاقة يبغاني انا الي اطلب و هو فقط يستقبل . وما يشتري لي شي بحجة إني موظفه ومن تزوجنا ولا هدية حتى ورده ما عمره جابها لي وقلبي يتقطع على الورد اشوف اخواتي رجالهم هدايا و ورد ومطاعم وأنا ولا شي ولا مطاعم لو اموت يوكلني تميس لو ما طبخت . اليوم كنت عازمته على مطعم قلت اغير جو ويمكن يحس بس الي صار نكد علي
وش رايكم وش اسوي الاستشاريين الي كلمتهم يقولون لي اصبري وحاولي تكسبينه بالكلمة الحلوه والله ما يسمع مني اي كلام يزعله ومحسنه علاقتي معاه أعطيه الي يبغى في الفراش وش اسوي اكمل ولا اعزم واتطلق منه