هل امر النفس صحيح ولا لا؟

السلام عليكم ورحمة الله وبركاته
بنات انا سمعت بشي جديد اول مرة اسمعه وهو ان اذا فيه رجال يبغى بنت ومتعلق فيها وتقدم لها وما وافقت ، ما تتوفق بحياتها او ما تتزوج
بصراحة خفت وحسيت هالشي خرافة وهو شي ابد مو موجود بمجتمعنا واحس فيه اساءة ظن بالله
بس انا خففففت
لان كان لي علاقة مجرد كتابة مع شخص بالنت انا احببته جدا
هو ما حبني لكن يحترمني جدددددا ومعجب باخلاقي ويقول انتي كاملة والكمال لله وكان يبي يتزوجني اكثر من ٤ مرات فتح الموضوع ورفضت لاسباب كثيرة منها انه غير مو موظفف وهو اصغر مني بكم شهر وعرفت بطريقتي انه قبل يعرفني كان يحب وحدة حب عنيف وعاشوا قصة قوية لكنها انجبرت تتزوج غيره وقد فتحت معاه هالموضوع وقلت اه ما اقدر اتزوج واحد اعرف البنت الي كان يحبها قال لا هذيك فترة وعدت وانا متجاوزها من زمان ....واسباب كثييييييير احتفظ فيها لنفسي
تتعلق فيه وفيني وخفت من فشل هالزواج خصوصا انه حتى ماقد شاف شكلي ومامشى موضوع الزواج لان اهالينا ما يعرفون بعض وعشان اسباب كثير
انا عمري 23 و6 شهور
الحين تركنا بعض لانها تعتبر علاقة محرمة طالما ما فيه نصيب وهو الي قال لازم نترك بعض طالما مافيه نصيب عشان ما نغضب ربي وعشان ما نتعلق ببعض اكثر وكان يقول لي اخرة مرة لما خلاص بنترك بعض كان يقولي الله يحفظك ويوفقك وروحي عسى الله يرزقك باحسن رجال بالدنيا
انا بهالعمر ولي سنة ما انخطبت
اصلاً ما انخطبت الا 3 مرات الاولى استخرت ما ارتحت والثانية ايضا استخرت لكن لم نتفق مع العائلة حيث انهم كانوا مستعجلين وانا كنت ادرس
الثالثة العام الماضي اتصلوا على امي ونفس الشي ما ارتحت ابدا

الشاهد من الموضوع ان بعدما تركت الشاب هذا خفت انه تعلق فيني رغم انه كان دايم يدعي لي
ويذكر ربه يعني نفسه نظيفة
بس وسوست من قريت عن النفس ومدري ايش
انا طول عمري اذكر الله واستغفر واقرا سورة البقرة والحمدلله ماحس الا براحة عادي مافيني اعراض مرض او عين
وبحثت لشيوخ معروفين لم اجد طاري النفس بل بعضهم يتكلم عن النفس انها المقصود فيها العين
ولم يذكر المشايخ المعروفين طاري نفس وتعلق .. فقط عين او سحر او حسد وهذا معروف

انا تركت هالشاب وانا احبه وهو يبيني زوجة لكن استخرت كثير واسباب كثير تمنعني تعرفون الزواج مو لعبة
هل تتوقعون ما اتوفق بسبب هالشي وان هالشي (النفس) شي صحيح وموثوق؟
ام انها مبالغات من الناس؟
انا اختي الكبيرة تزوجت متاخر بدون ما توسوس انها فيها شي رغم انها انخطبت كثييييييييير ومعروووووفة بجمالها واخلاقها
واختي الي بعدها تزوجت في سن ال 26 وعادي
رغم انها كانت مرغوبة من ولد خالتي
وما وافقت وتزوجت غيره وتوفقت
وامثله كثير
فما ادري طمنوني يا بنات :(