قبل اتكلم
امي
مو موظفه ربة منزل
وتطبخ ب أسر منتجه
احيانا خواتي يطلبونها فلوس يشترون شي
او يبون كوفي مثلا ترفض انه مامعي
لكن امي للناس تركض
يعني تبخل على بناتها وعلى نفسها تحرم نفسها
من اكل تبيه
او شي تبيه
وتجمع الناس وتهدي فلانه وعلانه وعيالهم وبناتهم
ذهب وهم مايستاهلون
للأسف امي ينلعب عليها وكم مره تنقرص
ولا تتوب
يعني كانت مع خواتها اللي من الاب
صغار ب ٣٠لعمارهن
كانت تكب عليهم هدايا وذهب لبناتهم
وحنا عمرها ماجبت لنا شي
بس لانهم يمدحونها باللسان ويحسسونها
انهم يبونها وهي تنهبل !!
يعني لما اي احد يحسس امي انه يبيها
حتى لو عدوتها تنهبل فيه لو بكيفها
تقطع نفسها لها وكانت تمسك بنات خواتها
زي الشغاله وتغصبنا نمسكها
وامهاتهم يتمشون او عند اهل رجالهم بعزائم
وأول ماحصلت مشكله صغيره صكو امي بلوك
وسبوها ويقولون لامي ترا عمرك كبير ٦٠
كبر امنا وش تبين مسويه نفسك بنت وناشبه فينا؟
هذي نهاية المعروف
الحين امي صايره كذا مع مرت خالي اللي عمرها
بالثلاثين وعندها ولد وبنت
منهبله فيها لان ذيك لسان بالهرج ماغير تشتري لها
وتوصي لها طلبيات لو ذيك توضح
انها تبي شي زي مره وضحت لما شمت
عطر شانيل باختي راحت امي تغثنا عطتنا
فلوس وطلبتنا نشتريه لها
ومره اختي مشتريه سواره ذهب ناعم
وجاء العيد وكانت ذيك مرت خالي توضح
لان امي داخله اسهم معها قالت ماعلي منك
ماراح اعطيك هذي عيديه لي
جت امي قالت لاختي تبيعين السواره علي
اختي استحت
وقالت لامي خوذيه مابيه لك
راحت امي عطتها اياه واشترت لبنتها الصغيره ذهب
واشترت لولدها سياره اللي يركب فيها ٩٠٠
اعتقد وتقول تخيلو لنا
احس ماعطيتها شي يواجه!!
احيانا اعصب غصب من قهري
اقول انتي غبيه ماتستوعبين
ماتبتي من خواتك واللي سو بك
ليش كذا انتي تهبلين لما احد يعطيك وجه
وتحسب اذا عطتهم كذا يحبونها زياده
ولا راح يتركونها ماتدري انهم مستغفلينها
والله لو اننا تجار او ماتقصر معي ومع خواتي
كان ماهمني
لكن تعرف امي ظروفنا
ودايم تسب ابوي انه فقير بالنهايه تروح تصرف على الناس
والمصيبه ان هذي مرت خالي مدرسه
ولا تشتري لعيالها ألعاب ولا شي
امي اللي تجيب لهم موفره ذيك راتبها
من يومها امي كذا وآخر شي لما يتغيرون
عليها او تتهاوش معهم
تروح تقول لهم هذا جزاي اجيب لكم واسوي لكم و و !!
هي تحسب لما تسوي كدا خلاص بتملكهم
تكفون بنات وش الحل قسم تعبنا
خواتي الصغار دايم يقولون لها تعطين الناس وحنا
تسحبين علينا ولا يهمها
احسها فاقده حنان تبي اي احد
يعطيها وجه او يمدحها لان مو معقول
اللي جالس يصير لنا قسم بالله
ليان ،،.. @lyan_110
عضوة جديدة
يلزم عليك تسجيل الدخول أولًا لكتابة تعليق.
تحزن امك بس اللي يكسر القلب كلامك عنها حلو توعين امك من غفلتها لكن تأدبي معها خذيها باللسان الحلو حتى انتي غبية شوفي بنات اقاربك كيف لسانهم حلو مع امك وشفي كيف لسانك انتي معاها وفعلا امك تحتاج حنان وعاطفة وتعودت تضحي بماتملك عشان تحصل على شوية تقديروشوية لطف
Trish
•
عيب ياماما انتي مو قاعده تحكي عن صحباتك مع انه حرام تحكي ع الناس هيك لكن انتي قاعده ترتكبي اكبر الكبائر وهو عقوق والدين وشتم لامك !! ماحد غبي قدك صدقيني
هي شخصيتها كذا يا قلبي
شخصيتها من النوع الي تشيل هم الناس وتفكر في الناس وتتعاطف كثير مع الناس وتضحي بنفسها وعمرها لأجل مساعدة الناس .
شخصيتها من النوع الي تشيل هم الناس وتفكر في الناس وتتعاطف كثير مع الناس وتضحي بنفسها وعمرها لأجل مساعدة الناس .
الصفحة الأخيرة
بعدين نوعيه امك مسكينه تهدي وتعطي والي تضحك بوجهها تحسبها تبيها وحتى لو هي عدوتها واضحكت لها تصير تحبها وتغليها
بدل ماتكلمين عليها وغبيه وتنهبل انصحيها بااحترام قولي لها ي يمه هذا تعبك مااحد يستاهل وفريه لك اهدي بس بالمعقول قولو لها كلام حلو بدال ماتسمعه من برا وتصير فاقده حنان نفس ماتقولين الله يرزقها بكل شي اهدته ويخلف عليها🤕