للاسف الحين الاقارب عقااارب ماعندهم غير القيل والقال ونقل الكلام الطيب مايعيش في هالزمن انتي اتركيه على نيته الطيبه انما الاعمال بالنيات لاتحرضوووه على الاطباع الشينه هي مو صغيره والله يعطيه على قد نيته

بقولك وجهة نظري...


اذا حطيت حد فوق قدره ... بيحطك اسفل من قدرك


هذي مشكله بعض النساء ... تحط الناس فوق قدرهم خصوصا لما تجي وحده غريبه عن الاسره مثل زوجه اخ .. زوجه عم .. زوجه خال ... اقصد بغريبه يعني لا هي اختها و لا امها و لا بنتها ... فتقوم المسكينه تراعي الواجب معهم بزياده ع اساس تقدير .. لكن اللي يصير يحسوها لزقه و يحسوها بدون شخصيه و نفسها ما عزيزه عليها ... فيقوموا يدوسوها بتصرفاتهم


نصيحه ل امك من بنتها لان هذي النصيحه قلتها ل امي بعد .... عزي نفسك يعزوك.

حبيبتي البنت دائما قببها على امها لكن امك اكيد في بالها شي ثاني....


انتو لاتوصلون لها اللي تسمعون...ممكن هي تعرف وتفهم لكن ما تبي القطاعه. ..


انتيواتركيها لحد هي ما تقتنع من نفسها ...كذا انتي بتصيرين سبب قطاعتها مع الناس وبتصير وحيده ...وتخسر اللي حوالينها....ممكن هي تمسك العيال تتونس فيهم وهذا اكيييد...


يعني شوفي بعض الحريم ماتستقبل عيال احد يالله حدها وقت الزياره ماتتحمل اطفال.وبعض الحريم تحب تمسك العيال...


انتي لاتضيقين صدرها خليها على راحتها ...ومادام هي ما تخفي شي..فاذا ملت وطفشت صدقيني بتعطيهم في وجههم باللى فيوخاطرها ...


وبس اتركيها في حالها والناس لهم الله يحاسبهم

امك طيبه فوق الازم وتعطي ناس اكبر من حجمها خليها تبعد وترتاح منهم والكرامه فوق كل شي والباب الي يجيك منه ريح سده وستريح قولي للوالده كذا الله يسعدها ♡♡ هالزمن محد يستاهل طيب وخلي امك تتعرف على اهل طيب وشرواها والا الرديه لو تملى لها البيت ذهب مايبن بعينها لان الردي عمره مايعرف تقدير والحشمه ♡♡ واذا على ظلم عين الله لاتنام عن المظلوم وتدعيهم لله وخلاص

• لا تخربين امج عيل الصحابه والرسول صلى الله عليه وسلم كانوا يدفعون السيئة بالحسنه هاي اخلاق المؤمنين ليش تحاولين تخلين قلب امج حقود واسود هي تعاملهم بما يرضي الله وحاولوا ما تنقلولها كلام مب زين هالشيء يعتبر نميمه واذا يت حرمه تتكلم قولولها مب زين تنقل كلام وتتكلم ع الناس وتضايق امج الدنيا دار فناء والي تسويه امج هو الصح هي تدفع السيئه بالحسنه فلا تحاولون تغيرون هالشيء فيها الله يهديكم