هل امي مريضه ؟

مرحبا بنات
اقسم بالله تعبت نفسياً يابنات احس امي
فيها مرض نفسي
مثلا اقرب مثال
لما ينزل راتب ابوي انا اسوق
تجلس تغثني امشي نجيب اغراض
امشي للسوبر ماركت لما تطير الفلوس
بالنهايه اذا عصبت تحط السبب انا
تقول راحت الفلوس ماغير يلا نجيب يلا نسوي
والمصيبه هي اللي تجيني تقول امشي نروح نجيب
امشي نسوي
او مثلا تنفس على وحده من خواتي بسبب
متطلبات اختي تحط الحره فيني انا !!
طيب انا شدددددخلني تفرغ نفسيتها علي
وتنافخ علي وكل شي علي
مثلا معصبه على اختي لاي سبب لان مثلا
تختي متطلبه تبي فلوس تبي تشتري تبي تروح كوفي
تجي تحط الحره فيني !!
اقسم بالله اني ابكيييييي من قهري انا شدخلني
تفرغ نفسيتها فيني دايم اسال نفسي
ليش تحط حرتها فيني
اكثر من موقف تحطه فيني واكثر من مشكله ادخل
فيها وانا مالي اي دخل
اقسم بالله صرت اقول ليش انا اعطيها وجه؟
واخلص اغراضها وبالاخير تجي تسوي فيني كذا
لو اني زي اختي الثانيه ماتعطيها وجه
بمشاويرها وتقول عجزانه ومالي خلق
انا غبيه اركض اوديها واجيب واسوي
وبالنهايه كذا