هل ام الزوج مكروهه لهدرجه عند بعض الحريم ؟؟؟؟ (( دعوه للنقاااااش ))

{وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ}
{وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ}




من كثر ماشو ف في مجتمععنا بالنار الشااااابه في قلب الزوجة على ام زوجها او اهله اقولك اختي

هل ترضين هالشي لامك؟

ترضين تكون امك ثقيله على مرت اخوك؟

ترضين تحس امك من اخوك وزوجته بنهاا غير مرغوب فيها؟

طيب لييه ؟؟
لولا هالام مااجاك هالرجال ولااا اسستي عش زوجيه ولا جالك عيال
اشوف بعض خواتي ودايم اعتبهم على هالشي ليه تكبرون السالفه اذا جت من ام الزوج لو على اتفه الاشيا ليش دايم يجي في بالكم انهااا تبي تضركم
ومايقهرني ويرفع ضغطي الا لما الزوج يعطي امه فلوس تقوم النار بقلب الحرمه لاحول ولا قوة الا بالله ماتخلي حد من اهلها الا تشكي له..

هذي اشياااااء اشوفها بعيني ومن اياااااام وحده تحاكيني تقول ام زوجها تغار منها حتى تلبس قدام ولدها لبس حلو عشان تقهر الزوجه عاد هنا قلت لاااااااا لها الدرجه صار التفكير تفكير منحط صرااحه..

واللي تقول ام زوجي تاخذ زوجي ينام عندهاا عشان تخرب عليناا يوم جاء من الحج ويلي بعد من هالتفكير
وحده من قرايبي تقولي مره شفت عمتي داخله مع الباب وتحت عبايتها كيس مخبيته وخليتها انا وسلفتي الين طلعت من الغرفه حقتها ورحنا فتحنا الدولاب وشفنا وش في الكيس طلع هدايا للعجوز من صديقتها بالله وش رايكم في الوقاحه واحده تراقب وحده تفتش.۔

مره شفت بعيني ام مع ولدها وزوجته في د كيف بالخبر دخلو بالكبينه يتقهون وياكلون وخلوها برا على كرسي عطوها مويه بس وطولو من قبل صلاة المغرب الين بعد الصلاه بفتره وبعدين طلعوووووو وماخذ زوجته بيدها وكاشخه اخر شياكه وحامل ولما طلعو مع الباب ماعرفت امه تفتح رجع وفتح لها الباب ولحق زوجته قبل تقطع الشارع وامه تمش وراهم ولا حتى التفت ليها ياربي وش هالقلب اكيد مو صاحي..

ااانا عن نفسي شفت الاثار الايجابيه في حياتي لما شفت زوجي يبر بأمه برررررررر عجيب والله صرت اساعده بهالشي واذكره بحقوقها
الحمد لله يارب كل مااسوا لامه شي ولا عطاها فلوس عوضنا ربي خير بكل شي وشفت اثر هالبر بيتي وزوجي ماشاءالله تبارك الله ..

حبيت اطرح هالموضوع ونتناقش عشان الحريم اللي مقومين حرب على امهات ازواجهم يعيدون التفكير وينقدون على عمارهم وياررررررررررب يكونو قليل..