هل انا ابنتها

السلام عليكم ورحمة الله وبركاته  
لاتتسرعن في الردود فانا لم اشارككن معاناتي الا لافضفض عن شي في صدري  انساه دائما واتناساه لاني احب اهلي كثيرا واموت في امي واخواتي وهم يحبوني كعادة  اي اهل  
اخواتي الغاليات  انا عمري في الثلاثين  جيت عند اهلي اقضي الاجازه بعد غياب سنه   مشتاقه لهم كثيرا  فانا متزوجه وموظفه  المهم  امي يصدر منها تصرفات ضدي غريبه مع اني ماجرحها ابدا واساعدها كثيرا  يوجعني قلبي  يمكن تقولوا انتي تضايقيها ثقيله عليها انا عشت معاها  واعرف وش تحب وش تكره وابتعد عن كل مايزعجها  تلحين اول مره يجيني هذا الاحساس  احس اني لست ابنتها وودي اتاكد  اني ابنتها وبحتسب الاجر مهما سوت فيني 
اذا جاهم شي تدسه عني اذا اخواتي موجودات مع اني  ماطلب وعفيفة نفس  واشتريلهم  انا اذا معي اخواتي كلهم موظفات  وانا كريمه جدا مع امي وافرح اذا شفتها اعجبها اللي جبته اشتريلها جلابيات غاليه عشان تلبسها  في الزواجات ماتلبسها تلبس حق اختي اللي احبها كثيرا وعادي مازعلت بكيفها بس اذا تعبت وانا عندهم ملتسال عني حتى لو اموت في الغرفه 
قبل  اول زواجي كان زوجي  يضربني كثيرا فلقد تزوجت واحد من بعيد وكنت في 16 من عمري و ومعروفه بسمعتي وادبي ولالي في الحرام ولله الحمد ومره سمعتها تقول لابويه ليش كان يضربها زوجها  اكيد شاف عليها شي  انهرت كثير  اكتب لكم وانا ابكي  ومره وانا صغيره 5 سنوات رحت مع خالاتي وقاموا يرقصوا ويلعبوا عادي ويوم رجعت  جلست العب مثلهم واقول زي خالتي ضربتني وبغيت اموت ماهتمت من صياحي وانا مستغربه  ليش تضربني ورحنا  عند اخوالي وعلمت خالاتي وضربوني ليش مدري 
اشياء كثيره كان عندي كحه حساسيه  اول ماتخرجت سفرت الشغاله واختي تخرجت من قبلي ماسفرت الشغاله  وضيوفنا كثير اقسم بالله ان الضيوف يجوا ويروحوا ماشوفهم  مواعين سفرة القهوه وبعدين التحضير للعشاء وتجهيز العشاء وبعدين  غسيل مواعين العشاء  وكان عندي في ذيك الفتره سعله تذبحني ذبح والله اني كنت اسعل اسعل اسعل حتى اموت  ماترسل احد من اخواتي ولا واحده تقوم  وكانت تقول  المطبخ شغلك ليش يجوا من  سفرياتهم ويجوا يدخلوا المطبخ وانا استغرب منهم كمان معقوله مايحنوا عليه  المهم ايام راحت ايام كثيره وظلم كثير تعرضتله وتزوجت وصرت اشوفهم يحبوني ونسيت  وحبهم كبر في قلبي بس احيانا ترجع لتصرفاتها  الموجعه وخصوصا اذا مرضت 
نفسي بس اتاكد انا بنتها نفسي اسوي حمض دي ان اي اللي يثبت بس  كيف  ابغى  في السر  وبعدين  الشبه احس مافيه شبه  
فيه طريقه اقدر اسويها بدون محد ينتبه