هل انا ابنه عاقة

اخواتي السلام عليكم
ما الحل في هذه المعامله وصلت العقد الرابع من عمري وما زلت امي تعاملني معامله قاسيه
سب وهواش ودايم تنكر وتجحدني وأني ما عمري أعطيتها فلوس
ودايم انتي راتبك عالي وأخواني رواتبهم أعلى مني بكثير لكن ما تشوف غير راتبي
لا أدري ما سبب كراهيةامي لي
هذا حالي من وعيت على الدنيا ام تكرهني وتحملني مسؤوليات اكبر من عمري
من عمري وانا صغيره وانا اشتغل بالبيت تعلمت الطباخ والعنايه بالأطفال
تدرون كم كان عمري فقط 10 وانا اغير الحفاضات لاخوي وايش القرف اللي احس فيه
وهي تتمشى وتسافر وعايشه حياتها ولا كان عندنا خدامه بزارين صغار وبيت وعزايم وكل شي فوق راسي
غير خدمه الضيوف اللي كان يا كثرهم
ودايم ايش سويتي في البيت بس تنتقد رغم اني وحيدة بين اولاد
وكانت بس تضربني ضرب مبرح و تجرحني بالكلام والحين تضرب بلسانها وتقذف كلمات وحمم بركانيه
بالعكس من معامله ابوي الله يرحمه كان يحبني ويحن علي
الله يرحمه رحمة واسعةيا ابوي هالكوْن ظلام من غيرك
ما تذكر اني في يوم سمعت منها كلمه بنتي ولا يمه
هذا في الصغر
التحقت بعمل بعد الثانوية لم يكن برغبتي وإختياري
ولكنقدر الله وما شاء فعل
وكنت اريد تكمله دراستي ولكن تحطم حلم الدراسه بسبب امي
والحمد لله على كل حال
كنت اساهم بالبيت وجبت سواق وسياره للبيت على حسابي الشخصي
وراتب السواق علي
البيت عايش فيه اثنين من اخواني وتزوجوا فيه وجابوا عيال وانا علي قرض للبيت والسواق
واعطي اللي اقدر عليه
ولكن امي دايم تقول انتي راتبك عالي بس هالملغ اللي قدرت عليه انتي تستلمين مبلغ وقدره وانا الوحيدة اللي تقول لي هالكلام وتكرر هالكلام ما يبقى من راتبي الا 3 الف نصهم للسواق والباقي لي
امي عندها تقاعد ابوي وايجارات عقارات ابوي و كل تحت يدها ما في احد له شغل كيف تصرفهم ولا راضيه توزع الورث مع ذلك حاطه عينها علي وعلى فلوسي
ومرت الايام وانخطبت واخذت المهر50 الف بحجة اني موظفة ولازم ادبر عمري هل هذا حق ام ظلم
الله يسامحها غيرالمبالغ اللي جاتني هداياوحتى الهدايا خذتهم لها
والحمد لله وجهزت نفسي بنفسي احلى تجهيز
ومريت بظروف قاسيه جدا لدرجه الجوع جربته دوامي طويل وما عندي ريال اشتري فيه ماي
ولا هديه وحدة من امي في زواجي ولا بحياتي كلها
مع انها راعية واجب وعند صاحباتها ما تقصر
وهي اللي اختارت لي الزوج وطلع مو كفو وابي اتطلق منه
الرجال معلقني في بيت اهلي ولا سائل فيني
وكل واحد عايش حياته دبري عمرك
بنات بأمانه هل انا مقصره
كل نقاشنا من تشوفني فلوس حتى يوم الراتبين انا الوحيده اللي اعطيتها راتب اما اخواني الثانين ما احد اعطاها بالرغم من حاجتي لها
طبعا لا شكر ولا تقدير
اخواني لو عطوها تراب تهلل وتقول يا زين هالولد اللي بار في امه
علما كلهم زوجتهم على حسابها
وتحب حريمهم وتقدرهم احسن تقدير
ليش الفرق بالمعامله وليش تكرهني ودايم عند الناس تفشلني ومتسلطه علي بشكل كبير
وتهاوشني وكل غلطه بحياتي محفوظه عندها دايم انا الغلطانه وانه ما فيني خير لاحد
وتشتكي عني دايم عند الناس كيف ارضيها ما ادري
ودايم التزم الصمت ولا ارد عليها واروح غرفتي
وكل الهواش بسبب الفلوس
انتي ما تدفعين وانتي مقصره ولا تساعدين وما فيك خير وعمرك ما راح تعطيناريال
كل هذا ما اعطيك يا امي
بيت ملك لها وعلى ظهري مبلغ كبير
والسواق علي غير مصاريف السياره علما بانه هم اكثر ما يستخدمون السياره
هي والزمن علي
بعد هالعمر ماحطيت مبلغ للزمن وابغى اعيش عيشه كريمه
ما اطلب من الله غير الغفران وحسن الختام
اخر مره مدت لها مبلغ ورمت بوجهي
وقالت ما نبي منك فلس فتحت موالها
وين فلوسي اللي حطيتها بالبيت متى راح تعطيني اياهم وفلوسي راحت على بيتك انتي
الحين هذا بيتي لوحدي واخواني اللي تزوجو فيه
هي اللي عايشه فيه وهي اللي اجبرتني اشتري لها البيت
وما جا من هالبيت الا الدين الكبير على راسي
ايش اسوي بالله قولو لي
هل انا ابنه عاقه
وما فيني خير مثل ما امي تقول
اعطوني حلول