هل انا ارتدي طاقيه الاخفاء

السلام عليكم ورحمة الله وبركاته
لاحظت في بنات في هذا المنتدى وفي اماكن متعددة كثير يتكلمو عن امور خطبتهم وكيف تفشل الخطبة او الملكة سواء السبب من طرف البنت او الرجل او مهما يكن . الله يكون بعونهم فعلاً احساس سيء تتفركش خطوبتك الي كنتي فرحانه بيها او شعورك وانتي تصيري مطلقة قبل حفل زواجك او حتى نفسيتك الي تتعب كل ما تقدم لك احد والضيقة الي تجيك جواتك .
انا مو هنا مشكلتي ،اذا صح تسميتها مشكلة ، انا عمري قارب ال25 وخريجة جامعة من زمن طويل ومواصفاتي حلوة مااقول ملكة جمال لكن فيا الي يجذب من نواحي كثيرة وقبل كل شيء اخلاقي حلوة وماعندي مشاكل مع اي احد حواليني يعني مافي شيء ينفر الناس مني, طيب مشكلتي هيا لحد هذي المرحلة من عمري ما عمر احد اتقدم لي لا من قريب ولا من بعيد بالرغم من اني وعيلتي ناس اجتماعيين لكن لوقتكم هذا ما احد فكر يطلب ايدي لا تقولو لساتك صغيرة ومن هذا الكلام انا ادرى بمجتمعي الي في عمري قدهم خلفوا والي اتزوجوا وانا محلك سر .
اختكم مو ميتة عالزواج لهاذي الدرجة لكن خايفة يفوتني القطار وانتو عارفين كيف حياة البنت هنا نفسي ولو مرة احس اني مرغوبة ومطلوبة ابداً ماعمري جربت دا الاحساس حتى لو مايصير نصيب بس اهم شيء اعرف ان في احد يباني والناس هنا ولكأنها تشوفني لدرجة احيانا افكر ان العيب فيا او في اهلي مع ان الوالد منصب رفيع وماما متعلمة ومسالمين والله مو عارفة السبب ايش
هل انا لوحدي كذا او في غيري صر لهم نفس الي يصير لي وابا اعرف الناس ايش الي يصرفهم عن خطبة بنت معينة وايش ينفرهم منها يمكن سويت حاجات غلط والسبب منها بس ما اتذكر اني سويت شيء غلط كبير .