عارفتهم

عارفتهم @aaarfthm

محررة برونزية

هل انا الوحيده الي احس بالغربه بعد الالتزام

الأسرة والمجتمع

السلام عليكم ورحمة اله وبركاته

اسعد اله مساكم بكل خير
انا مشكلتي مو مع زوجي او اهله هذي الامور امور لابد منها ولازم يصير فيه مشاكل او سوء تفاهم بس الطيب هو الي ينسى او يتناسي مشكلتي مع الالتزام
او الاستقامه انا ولله الحمد مرتاحه مع التدين بس مع الناس لا كل الي يعرف اني ملتزمه او مستقيمه يبعد عني او يتحاشاني العاصي وللاسف اهل الخير او العقال

بالاول انا مو ملتزمه ذاك الالتزام الي يوصلني اني اكون داعيه او ملمه بكثير من امور الدين لا التزامي ترك الامور الكبيره طبعا ما اقصد الخمر والزنا هههه
لا قصدي احاول ادعو لخير انهى عن المنكر آمر بمعروف
اتجنب اهل السوء والمعاصي محتشمه وادعو ا الى الحشمه
ومن هنا بدأ ت النساء تبتعد عني لان الموضوع مهم لهم موضوع التعري والتفسخ وابداء المفاتن
وانا ولله الحمد ما ادعو بغلظه او اما م الناس ولا اكثر النصح يعني وحده نصحتها بالباس مره خلاص تكفي حتى لو زاد تعريها
ومع ذلك احس بالنفور مني مع اني مو مدح لنفسي حبوبه وخدومه واحب الخير للكل ولا وازيدكم من الشعر بيت دمي خفيف
بس الحين مليت من تجمعات اهل زوجي مليت كاني شغاله قاعده على جنب وبس ما احد يهلي بي ويسولف معي او يعطيني وجه مع اني اجتماعي في الاول اقول ما عليه ابي احببهم في الدين عشان ما ينفرون من الدين واهله
بس خلاص الحين ما عاد اقدر حتى اهل الخير الي فيهم طايرين مع اهل التعري ويسولفون معهم ويحاولون يتقربون منهم عاد هم بالاصل قرايب بس انا الي مو قريبتهم واذا قلت لي فيهم شوي حياء او دين خلونا نصحهم ونوزع كتيبات او اشرطه او كل وحده تمسك مجموعه ضحكوا علي وقالوا يا حليلتس هذولا ما يفيد بهم شيء ولا تفشلين نفسك ترى بيحلتون الي تجيبن ولا يعبرونك حنا ابخص
بس سبحان الله هذولا صحيح فيهم خير بس ما عندهم جرأه ولا حب للامر بالمعروف والنهي عن المنكر
وهم اصلا يقولون ما علينا منهم هذا شيء بينهم وبين الله
المهم الي مصبرني على هالتجمعات هم ذولا الي يقال فيهم خير
بس قبل كم يوم طلعنا وكالعاده انا على جنب واحاول اتقرب منهم بس ما ش ما احد يلتفت لي لان انا ما عندي الا الدجه ما عندي شفت سنوات الضياع والا الماركه الفلانيه اتهبل والا رحت انا ورجلي وسافرنا وجينا وتعليقات على خلق الله وصراحه تعليقاتهم تضحك
المهم كان لبسهم هالمره مو محتشم ابد فجلست مع وحده ارتاح لها فيها تدين يمكن هي الوحيده الي فيها تدين بس على خفيف وصار بيني وبينها حوار وعصبت لاني قلت ما يجوز الوحده تطلع كل العضد لو على الاقل تغطي نصه وعصبت وقالت لا عادي ما فيها شيء وجلست تكر ر هالكلمه وانا احاول الطف الجو حتى ما يبان اني متشدده وتخرب الامور
قالت انا البس كذا ما فيها شيء عند الحريم عرفت انا ان ما عندها خلفيه كبيره في الفتاوى فقلت لما بدات تبي تطلع كلام تنتقدن واسرعت ولملمت الموضوع وقلت ابن باز قال كذا وما امداني اخلص الا قالت ماعلينا من ابن باز قصدها انه متشدد انا اقول ما فيها شيء وقلت انا اقول العلماء يقولون مو انا انا لو علي لبست كذا مو مشكله وبان انها متضايقه مني
تبي تقولون طيب وش نهايه هاهرج الطويل النهايه انه حتى الناس الي كنت احسبهم معي طلعوا اي كلام مو عشان هذا الموقف لا اصلا هي عصبت وتجنبتني كل الجلسه قلت بطقاق والله ماراح ارمي نفسي على احد حتى لو كان شكله من اهل الخير
بس مليت اني انا وحدي في المركب هل اقاطع اجتماعاتهم لاني اذا رحت ورجعت اقعد متضايقه فتره منهم ومن لبسهم العاري وقلة حياهم والجلسه كلها مافيها شيء مفيد كله مضاهر وكذب ومبالغه ونميمه وغيره وكلام فاضي
وهم مو من اقاربي عشان اقول اروح صلة رحم
وانا على هالحال سنين طويله مهمشه وشكلي يرحم وانا احاول اتكلم مع هذا وذاك بس هم كلمه ورد غطاها ما فيه تفاعل
مليييييت بس اروح عشان اولادي ينبسطون
وش رايكم وش الحل
وهل فيه احد يحس بالغربه زيي زوجي اذا شافني متضايقه من الروحه يقول خلاص لاتروحين بس يرجع يقول وش نسوي بعيالنا نبيهم ينبسطون
اه ترى على كثر الكلام الي كتبته ما كتبت شيء عن معاناتي
ابي حل منكم ودعوهلي بالثبات ولحمولتي بالهدايه
14
3K

يلزم عليك تسجيل الدخول أولًا لكتابة تعليق.

تسجيل دخول

شخصيه جذابه
شخصيه جذابه
شوفي ياعارفتهم ياحبيبتي بكلمك من وجهه نظرهم لأني عاديه الله يهديني عشان تعرفين كيف تأثرين عليهم احس اول شي لازم ماتركزين على حرمه معينه عند نصحك يعني افضل لوكل اجتماع معهم تكونين مجهزه فائده اونصيحه وتقولينها بشكل عام ومختصرعشان مايملون منك وكمان تعلمينهم ضروره ذكرالله في مجلسهم عشان مايروح عليهم حسره00
ثاني شي ياليت لوتبين تنصحين تنصحين على شي حرمته واضحه اواكيده بالدليل زي القصير مره اوالشفاف اوالاغاني وغيره وماتدققين على المختلف فيه عشان مايفحمونك ويكثرون الجدال00هذا على حد ثقافتي والله ورسوله اعلم وموفقه وبالعكس الله يكثر من امثالك ويبارك فيك ويثبتك00
@ أخت محمد @
@ أخت محمد @
شوفي ياعارفتهم ياحبيبتي بكلمك من وجهه نظرهم لأني عاديه الله يهديني عشان تعرفين كيف تأثرين عليهم احس اول شي لازم ماتركزين على حرمه معينه عند نصحك يعني افضل لوكل اجتماع معهم تكونين مجهزه فائده اونصيحه وتقولينها بشكل عام ومختصرعشان مايملون منك وكمان تعلمينهم ضروره ذكرالله في مجلسهم عشان مايروح عليهم حسره00 ثاني شي ياليت لوتبين تنصحين تنصحين على شي حرمته واضحه اواكيده بالدليل زي القصير مره اوالشفاف اوالاغاني وغيره وماتدققين على المختلف فيه عشان مايفحمونك ويكثرون الجدال00هذا على حد ثقافتي والله ورسوله اعلم وموفقه وبالعكس الله يكثر من امثالك ويبارك فيك ويثبتك00
شوفي ياعارفتهم ياحبيبتي بكلمك من وجهه نظرهم لأني عاديه الله يهديني عشان تعرفين كيف تأثرين عليهم...
لايالغاليه مو انتي الوحيده كثير امثالك يحسون بغربة دين

طيب وش حالي اللي في مجتمعات غربيه وتدعو الى الله كم اعلنت اسلامها ووجدت الفنور التام من اهلها

حنا ولله الحمد في بلاد خير الزمي صحب صالحه تعينك اقلها تفضفضين لها كصحبه دور تحفيظ القران

وبعدين زي ماقالت الاخت شخصيه جذابه حاولي تتكلمين في الامور اللي حرمته ظاهره واكيده

كمثال الاغاني لان مستحيل احد بيعارضك الكل يعرف بحرمتها بس جاري بعصيانها

مع دعم كلامك بالادلة ابحثي عنها واحفظيها لاتقولين قال فلان لا قولي قال الله وقال الرسول صلى الله عليه وسلم


وحاولي تقرين قصص عن بعض المنكرات وتكون مؤثرة وتجين تقولين

وشيلي احساس الحزن من داخلك واحساس ان ماحد يبيني واني اكسر الخاطر لا ازرعي الثقه بداخلك

والله يعين هذه اوساط مجتمعات النساء مالنا الا الصبر والتريث والدعوة بحكمه وروية وليييييييين
حفيدة النوري
حفيدة النوري
اسأل الله لي ولك الثبات ولنساء المسلمين
ارجوا ان تستفيدين من هذه الكلمات
(نفوس الصالحات تواقةٌ للتحليق في فضاء الدعوة، ونشر عبير الخير في أجواء المجتمع.
فتعليم العلم، تغيير المنكر، والأمر بالمعروف، تصحيحُ مفاهيم خاطئة لدى الغير، فتح أبواب الحسنات، وإغلاق أبواب المعاصي والسيئات.. جميعها أمورٌ تتزاحم في نفس الداعية.
لكن..!!
قد تواجه بعض الداعيات المبتدئات جبالٌ من الصعوبات والعقبات في طريق دعوتهن، فينهار حماسهن، وتتهاوى حصون همتهن الواحد تلو الآخر!.
فالبعض منهن لم تتزود بالأسس والأساليب التي تُعينها على النهوض بمهمتها الدعوية.
وها نحنُ هنا نطرح هذا السؤال على بعض الأخوات الداعيات، لكي نعرف ما يُعين الداعية - بعد توفيق الله سبحانه وتعالى - للخوض في ساحة الدعوة بنجاح.
ما الأساسيات التي لابُد أن تأخذ بها كل داعية مُبتدئة في طريق دعوتها؟!..
* مما ينبغي للداعية الإلمام والاعتناء به، ويعتبر أساسياً لها في الدعوة لله تعالى:
1- الإيمان العميق بما تدعين إليه، وإخلاص العمل لله وحده:
قال تعالى: (يَا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيّاً). . وقال تعالى: (أَلَا لِلَّهِ الدِّينُ الْخَالِصُ) .
2- العلم والبصيرة:
قال تعالى: (قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي).
3- العمل بالعلم، والاستقامة عليه:
فقد جاء في الحديث: "...وما تقرب إلي عبدي بشيء أحب إلي مما افترضت عليه، وما يزال عبدي يتقرب إلي بالنوافل حتى أحبه؛ فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإن سألني لأعطينه، ولئن استعاذني لأعيذنه... الحديث". .
4- التربية الذاتية (القدوة)
قال تعالى: (يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ). .
5- الحكمة، وهي: (اللين في موضع اللين، والشدة في موضع الشدة)
قال تعالى: (يُؤتِي الْحِكْمَةَ مَن يَشَاءُ وَمَن يُؤْتَ الْحِكْمَةَ فَقَدْ أُوتِيَ خَيْراً كَثِيراً). .
6- إحسان الظن بالمسلمين وستر عيوبهم.
7- اللين، والرفق، وحُسن الخلق.
فقد قال صلى الله عليه وسلم: (إنكم لن تسعوا الناس بأموالكم، ولكن يسعهم منكم بسط الوجه وحُسن الخُلق).
الأستاذة/ مها الراجح
مشرفة بمعهد معلمات القرآن الكريم بغرب الرياض

------------------------------
قطعة جليد
قطعة جليد
ااختى اسمعى هالنصيحه من وحده خالطت نساء يدعون الالتزام
اللى ينفر انهم يحسبون ان هاالانسانه الملتزمه معقده لاتفقه شئ فى الحياه سوى التعقيد ماعندها ساعة للفرح كل عن اهوال يوم القيامه والجنه والنار وماحد يحب يجلس معاك لنهم يشيفون ان مواضيعهم ماتعجبك وليست عن الدين
بكل بساطه خليك بسيطه اضحكى وانبسطى وسولفى فى كل شى واذا رائيتى منكر تكلمى للجميع ولا تخصصى احد بعينه
صراحه بعض الحريم بس تلتزم تتعقد وتعقد اللى حوليها مانقول كلمه فى مجلس الا وتسمعيها استغفر الله استغفر الله
وتحسسها بانها سوت جرم عظيم وانها الصالحه وهى الفاسده
انا خالطت ملتزمات لاكن كرهتهم من كذبهم فيهم الغيبه الهمز واللمز وفيهم الكذب للمصلحه معللين طبعا
طبعا مو كلهم فيه وحده عندنا جديده فى العائله قالو ملتزمه ولا تتكلمون عندها باى شى غلط قلنا حشا رسول ذى
واننا بنخربها لانها افضل ونحن الفاسديين شفتى كيف الكلام اللى ينفر طبعا من قبل مانجتمع عزمنا عدم مخالطتها بس كلام بسيط معاها
لاكن انصدمنا لما خالطناها انسانه مرحه محبه بسيطه وملتزمه وحبينا القعده معاها وفى مناسبات تذكر لنا بعض الفوائد وبعض
الكلام اللى يشرح الصدر تنكت وتمزح وحبيناه وحسينا انهم ظلموها
فخير الامور الوسط اختى
أم_رنومة
أم_رنومة
اسال الله العظيم لي ولك ولسائر المسلمين والمسلمات بالهداية ثم الثبات

استمري على طريقك طريق النور,, والى الامااام وعلى خطى النبي صلى الله عليه وسلم

واين انت من كاتب فصيدة غرباء الذي بعد صدور حكمه بالاعدام
اصبح ينشد:
غرباء .. غرباء
غرباء ولغير الله لانحني الجباه
غرباء وارتضيناها شعارا للحياه.... الخ