هل انا الوحيده الي علاقتي مع اختي سيئه ؟؟؟

السلام عليكمكل عام و انتو بخير و الله يتقبل صيامكم و قيامك يارب و ينعاد علينا و عليكمبدخل فالموضوع على طولانا علاقتي مع اختي سييييييئه جدا , تقولون اعداء هي اكبر مني بسنتين و ماعندي غيرها فاتوقع لهالسبب نفسيتي متاثره ان ما عندي علاقه طبيعيه معاهاانا عمري 21 و هي 23 (انسات)ماعرف كيف ابدا او كيف اوضحلكم مشكلتي بحاول اختصر اختي احس انها مريضه نفسيا و تغار منيهي شخصيتها هاااديه و كتومه و ماتحب تتكلم كثير و ثقيله (ما تنكت) و خجوله قدام الناس ولا تنطق بكلمهاما انا خجوله بس لما اجلس مع ناس شوي و ابدا اتكلم شوي,مع قريباتي دايما انكت و اسولف وبين بنات عماتي احس هم يحبوني اكثر(هالسبب تغار) بس هي ما تطيقهم لو شو ما عملو فالبيت تسبهم لانه لما كانو صغار كانو يضربونها و عقدوها لمانروح بيت جدي الله يشفيه اسولف معاهم و هذي هي علاقتي مع بنات عمي و عمتي فقط (يعني مو صداقه قويه)اختي دايما ما تكلمني ايام بدون سبب و اذا حاولت اكلمها تلف بوجهها عنياذا مثلا دخلت اختي و انا متخانقه مع اي حد فالبيت تدور ضدي مهما كان السببالبارحه اخي كذب و قال شي (اني سبيته) و انا والله ما قلت شي هو كذاب اصلاالمهم انا قلت هالمره في شهود يشهدون انك كذاب فردت اختي شو تبغين شهاده زوراذا شافت اكله فالمطبخ و جت تحط في صحنها و انا قلت هذي انا عاملتنهاتقول الحمدللللللله قلتي قبل لا اكل اععععع و تعمل حالها متقززه مع انه يكون شكله عادي مثلا كب كيك ولا شي مرات تكون طيبه معاي (اذا شرت شي مزاجها يكون رايق) و انا ما اصدق اجلس اسولف معاها فجاه تبغي تقلب علي باي طريقه حتى لو شي تاااااافه مثلا لو قلت "تذكرين الشي الفلاني" ترد "يالكذابه ما كان كذا كان كذا" (حتى لو انا متذكره مو بدقه مافي اسلوب احسن)او تقول خلاص اسكتي صوتك عاليفالايام العاديه لما اكلمها تتكلم مع اي حد نفس الوقت و تتجاهلنيمره لما كان مزاجها اوكي اقولها "مخففه اكل من شهر ووزني مو راضي ينزل و حتى الحلويات ما اكلها" (هي كانت تاكل جالكسي)ردت علي "الله يلعنك تحسديني,الحين بطني بيوجعني,شوفي نفسك انتي حظك بسرعه ينزل وزنك" (انا اسمن منها!!! )انا ماعرف ليش الله منزل هالحلم علي معاها !! والله لو غيرخا كان ردت فعل ثانيه انا دايما احاول ارضيها لو كنا بيت جدي و هي قالت انها عملت شي (و هذا الشي انا اصلا عملته مثلا موقف و لا شي) اسكت و اضحك و لا اقولها شيوهي كم مره تفشلني قدامهم تقولي يا كذابه على اشيا سخيفهدايما ادعيلها تنخطب لانسان صالح لانه اخاف نفستها تتاثر كل صديقاتها ينخطبون و هي لأ في مواقف اشد و اكثر بس مالي نفس اكتب اكثربس بالمختصر اوقلكم انا اسبوعيا اسمع "الله ياخذك" "حياتنا بتكون احلى لو انتي مو موجوده" "القبيحه المتينه" ........ الخ تعبت منها و صايره حتى ما ابغي احسن علاقتي بها اكرهها ما ينفع معاها اي شي