هل انا ام فاشلة ؟ هل عيالي بكره بيرموني ؟

انا عندي بنتين وولد البنت 7 سنوات والبنت الثانية 5 والولد 3

اول ماتزوجت كنت عايشة في بيت اهل زوجي كان لنا شقة فوق

وبما انا ساكنين في بيت واحد كانوا بناتي اغلب وقتهم عند جدهم جدتهم وعماتهم وعمانهم

وللاسف اني كنت طيبة مره واراعي شعورهم بكل شي

بناتي الحين متعلقات بجدتهم وعمتهم الكبيرة لان كل شي يبغونه تسويه لهم حتى لو خطأ وفيه ضرر عليهم المهم انهم مايصيحون ولا يزعجونها اذا بغوا يكسرون او يلعبون بالنعمه او يوصخون عاااااااادي عندهم

المشكلة ان بناتي الحين كبار ومايحترموني ولا يسمعون كلامي خير شرررررررر

واذا قلت شي قالوا انتي مالك دخل ويقلون ادبهم كثير علي ويضربوني

بالبداية كنت اقول اطفال وبكره بيفهمون ويعرفون اني امهم الي تبي مصلحتهم وتبي تطلعهم بنات مؤدبات وصالحات

لكن الكل كان ضدي حتى زوجي يعني اذا قلت لهم بكره مدرسة لازم تذاكرون القى جدتهم تقولهم ماعليكم منها روحوا العبوا في الحوش ووسعوا صدوركم

وانا بطبعي مؤدبة مقدر اخالف كلام خالتي الي هي ام زوجي

وزوجي واقف معهم ومايساعدني في التربية

الحين احنا في بيت ثاني لكن والله ان بناتي مايشوفوني شي ويتلفظون علي بكلام قوي ويقولون انتي اصلا مو امنا
مامتنا هي فلانه

اليوم بكيت كثير من الظهر طالعين لبيت جدهم لا مذاكره ولا شي واذا كلمتهم قالوا مالك دخل خليكي في البيت ولا تطلعين معانا

خايفة بكره يكبرون ويتبرون مني وربي دموعي ماوقفت يعني انا حملت جبت وتعبت وربيت وفي الاخير امهم جدتهم وعمتهم وانا ولا شي

طيب وش اسوي ابي بناتي يحترموني حتى قدام الناس مفشليني كاني مو امهم مايسمعون كلام احد الا جدتهم وعمتهم والكل ملاحظ ومستغرب

وش اسوي عشان الوضع يتغير

خايفة بكره عيالي يرموني