هل انا ام قاسية وسيئة ؟

السلام عليكم خواتي ، لي يومين الله العالم بحالتي احسني اسوأ ام بالدنيا
عندي طفلين الكبيرة عمرها 3 سنوات عنيدة وعصبية ومزاجية وصياحة ومزعجة بكل ماتحمله الكلمه من معنى مهما حاولت امسك اعصابي واتصبر الا انها تحدني على شي مابغاه دايم وتنرفزني وتعصبني


مشكلتي اني اذا مثلا ضربتها ( يكون اخر حل حل عندي يشهد الله وبعد ماتستنفذ كل حلولي وطاقتي واحيانا توصلني مرحلة البكاء والهستيريا من كثر ماتعاندني ) اذا مثلا ضربتها او صارخت عليها او سويت شي ياذيها اندم ندم الويل واجلس اكل بنفسي لكن حزتها والله اكون خلاص مب قادرة اتحمل عمدي طفل ثاني بس والله مب زيها مزعج صحيح لكن بنتي بسم الله عليها من يوم وهي رضيعه نكدية لا تكل ولا تمل بس تبكي ليل ونهار واحس ان الايباد اثر على سلوكياتها مررره مع اني اراقب وش تشوف لكن عجزت احرمها منه او اقطعه عنها تضل تبكي وتبكي وتبكي لين ماحسني بنهبل واعطيها خلاص عشان اقدر اشوف شغلي ، انا مرة مكتئبه ودي بنتي تصير حنونة وهادية شوي وتفهمني احسها ماتستوعبني كويس ذهنها مشتت مع العلم انها سليمة من كل النواحي ومدلله جدا جدا جدا ومحبوبه ومتعلقه فيني بشكل كبير وتغار من اخوها مره


امي تقول التربيه حلوه وماتضر صح تتعبين نفسيا بس في مراقف لازم لكن انا مابغى امد يدي عليها ابدا احس هالشي حاز بنفسها ومدري شسوي والله قلبي متعبني