هل انا ام قاسيه

الحمل والإنجاب

السلام عليكم ورحمة الله وبركاته
اخواتي قبل 3سنوات حملت وكان كل شي تمام الين اول اسبوع من التاسع ماهملت المتابعه ولاشهر بس كان ينزل معي من الشهر الخامس
خطوط ماء اشوفه يسيل بين رجولي وخبرت الدكتوره اللي اتابع عنده وكانت تقول مافيه مشكله ولاني عمر هاشي ذا مامر علي كنت احسبه عادي مثل ماقالت الدكتوره المهم جاء اللي الله كاتبه واللي ماتوقعته بس الحمد لله على كل حال حسيت باول التاسع ماغص ماهو مثل الطلق زي يعني تقاديم الولاده المهم كانت الساعه 3 الفجر مسكني فجأه على بطني وظهري ماخبي عليم استانست وقلت لبنتي الصغيره اللي كانت معي ابشري يابنتي اخوك قرب يجي كنت احسبه تقاديم ولاده اللي تحس فيها كل حامل ولمى رحت الحمام اشوف خطوط لزجه مطاطيه مخلوطه بشوي دم وهاذا الشي عادي لاني احس فيه بكل عيالي
من الثامن بعد ماهو من التاسع يعني ماخطر ببالي اشك ولو واحد بالميه انه راح يصير شي
ولمى جاء موعد المتابعه للمره الثانيه بالتاسع قبل مارحت فقدت حركة الجنين بس كان يتجمع ببطني ويتحجر شوي قلت هاذا دايم يصير بي بالتاسع
المهم جاء اليوم الثاني ماتحرك وشكيت قلت مانتظر للموعد ماني مرتاحه لازم اروح ورحت لدكتوره ثانيه لان دكتورتي انتهى دوامه وخبرته ولمى قلتله احس وجهه تغير ومررت جهاز النبض
من كل الجهات مافيه نبظ قالت معلش لازم نعمل سونار والله حسيت ان فيه شي بس مدري وش هالبرود اللي فيني خايفه بس مو مره لمى سوت السونار احتريها تكلم بس ساكته انتظرتها انتظرتها
وساكته ماتبي تصدمني قلت دكتوره
فيه شي واشرت بيدها اشوف السونار الا فيه خط طويل تحت قلت













مات قالت ايه مافيه نبظ قلت الحمد لله

بس هاذي كلمتي
ومازلت ارددها لحد الحين وكل ماتذكرت

خواتي انا مو مشكلتي هاذا
انامشكلتي انه لمى ولدوني قالو تبين تشوفينه
غمضت عيوني وانا ابكي
قلت لا قالت الدكتوره وكانت سعوديه ليش شوفيه اتشفعي فيه

غمضت عيوني اكتر قلت مقدر ياناس مقدر

لو اشوفه يمكن انجن
بس كنت احس فيهم لمى اخذوه كنهم اخذو روحي اخذوه وزتوه بكرتون ولا قصو سره
انا رفضت اشوفه لان وحده من معارفنا صار لها مثلي وشافت الولد والحين هي لحد الحين تتعالج بالعيادات النفسيه وصارت خالتي توصيني لاتشوفينه انتبهي لايصير بك مثلها الله يكون بعونها لحد الحين تعالج رغم ان عندها عيال بس هاذا شعور الام تتعامل مع كل طفل كانه ماعندها الاهو

اناكل مافكرت احمل اتذكر اللي صار ادري باذن الله
ماراح يتكرر بس مدري احس شي مخوفني من فكرة الحمل نفسها ينعاد الشريط من اول وجديد

حتى زوجي يقول الله يرحم والديك بس مانبي
وكثير من العايله حملو بعدي مرتين وجابو ماشاء الله وعمري الحين 38يعني لازم اتحرك
رحت وسويت فحوصات وكل شي تمام بس والله كل مابطت الدوره اخاف مدري ليه معني متخسره عشان اتعالج واحمل من ايش اخاف مدري

بس اللي ادري واعرفه اني لمى اتذكر اني رفضت
اشوف ولدي دريت اني ماستحقه ويمكن والله اعلم ماستحق شفاعته


هل انا ام قاسيه
29
2K

يلزم عليك تسجيل الدخول أولًا لكتابة تعليق.

تسجيل دخول

ام شرف
ام شرف
مايصيبنا الى ماكتب الله لنا ربي مقدر هالشي يصير وانتي منتي عالمه بعلم الغيب وايش راح يصير بعدين لاتزعلي نفسك ولى شي وافضل لك انك ماشفتيه ولاانصح اي وحده تشووووووووووووووف طفلها الي يموت

انا يوم مات ولدي قبل سنتين للان اقووول الحمدلله اني ماشفته عشان مااتعب زوجي شافه وتعب مرا وللان كل ماذكره دممع
وبنت خالتي شافت مولودتها وصورتها بالجوال وكل ماشافت الصورا قامت تبكي

الله المستعان بس ويعوضني ويعوضك خير يارب ويطعم الذريه الصالحه لكل محرومه
ام ثرياااا
ام ثرياااا
ياحياتي الله يعوضك

بلعكس انتي احن ام ذي مو قساوة والموت قضاء وقدر من ربي

باذن الله ربي راح يعوضك
فروشة.
فروشة.
ايش السبب حبيبتي؟؟
انسانه999
انسانه999
الله يهنيكي بشفاعته
بالعكس هذا دليل ع انك جدااااااا حنونه لانك رفضتي تشوفيه
الله يعوضك بالخير ان شاءالله
والله نزلت دموعي وانا اقرا كلامك
*الفكر اللامع*
بلعكس حبيبتى هذى طبيعة قلب الام
اى وحده لاسمح الله كانت مكانك بتسوى اللى سويتيه
لانه جدا صعب على الام
والحمد لله على قضاء الله وقدره
الله سبحانه مايقدر شي الا خيره لنا
الله يعوضك خير يارب ويربط على قلبك وقلب ابوه