هل انا بعبع,,,, ام هم الجبناء

السلام عليكم ورحمة الله وبركاته
انا عضوه جديده في غربة جديدة وحبيت اني اشارككم غربتكم :44::44:
ودي اتناقش معاكم في موضووع لاني منجد مقهوووره من اللي قاعد يصير
انا ليا شهر في ادمنتون في كندا وما اتعرفت على احد ما في جنبي عرب:arb:
اروح المول لحالي مع ولدي بس كل مره تصادفني نفس المشكله وتتكرر.
اقابل نساء مسلمات ويكون باين عليهم انهم عربيات وسعوديات خليجيات انا من اشوفهم افرح فاسلم عليهم واقللهم السلام عليكم ونا مبتسمه بس المشكلة (((((((انهم يصدوا عنني وبعضهم كمان ما يرد السلام:42:
ليش احنا كذا لمن نقابل بعض ما نفرح ببعض خااصه اننا في غربه
هل لان كل وحده لها صحبة ومكتفيه فيها؟؟؟
هل تخاف منني؟؟على العلم ان يكون معايا ولدي في العربيه يعني بالمفتشرر مارح اااكلها؟؟وللا اطلب منها فلوس؟؟
وللا ثقافتنا احنا كذاااا؟؟؟؟ما اعرف لييش والله انا مررره زعلانه من هذا الوضع تكرر معايا اكثر من مررره
انا اشوف الاجانب من يشوفوا بعض يتعرفوا على بعض على طول وبسرعه تلاقيهم يقولوا لبعض تاريخهم في دقيقه ويصيروا كانهم يعرفوا بعض من زمااان واحنا نشرد من بعض
انا ما ابغا اظلم الكل لان فيه الطيب وفيه العكس وما ابغا اخص ناس عن غير ناس
بس حبيت افضفض اللي في نفسي لاني منجد الغربه يبغالها رفيق مخلص صدوق ونا الى الاان ربي ما سخرلي احد امكن خير ليا لان اللي اشوفه هنا لا يبشر بالخير
اااسفه اني طولت عليكم وفي انتظار ااارائكم على المشكله