هل انا حامل؟؟؟

السلام عليكم
ياريت اللي تعرف تساعدني وجزاها الله الف خير

انا صارلي جم يوم اعاني من الم في اسفل ظهري والم في جهه اليمين من بطني مع نغزه
ونزل علي افرازات خفيفه حيل ومره خلال يومين شفت افرازات في مثل الشعيرات دم اكرمكم الله ومن امس قاعده احس بصداع براسي
انا اخذ حبوب منع الحمل جينيرا وصارلي تقريبا 8 اشهراخذ الحبوب متواصلة بلا توقف او نسيان... تقريبا هذه ثاني علبة لي اناقبلها كنت اخذ ياسمين وعقبهم ديان 35 بس ماناسبوني فغيرلي الدكتور الي جينيرا.. مع انها سببت لي صداع اول ماخذيتها

اخر دوره كانت انزلت بيوم 9-3-2005
واخر جماع كان بيوم 23-3-2005

هل من الممكن اني اللي احس فيه حمل عالرغم اني اخذ حبوب؟؟
والا هذا كان يوم التبويض؟؟
والا هذه التهابات او قرحه؟؟؟
ساعدوني جزاكم الله الف خير
انا مابي احمل الحين بنتي توها صغيره

وبعد بقولكم شيء.. انا من عقب ماشفت هذه الافرازات اصبحت الافرازات قليله حيل وشبه نادره باليوم ..وانا اللي اعرفه ومن تجربتي الاولى بالحمل ان الوحده اذا حامل تزيد عليها الافرازات
ساعدوني لاني وااااااااايد قاعده احاتي
وجزاكم الله الف خير