هل انا حساسه ؟

والله اني نفسيتي تعببببببت من امي وتحطيمها
لي بنات امي كرهتني بام شكلي والله اني اقف عند المرايه
واتفل على وجهي من قهري السالفه ومافيها
انه امي تحسسني اشين الخلق بدون ماتقصد
انا مادري انا حساسه او جد جد امي جارحه لي
يعني ترمي الكلمه بدون قصد لكن تجرررررررررررح
هي تقولها على النيه لكن ماتميز قصدها
لكن انا افهم قصدها
اليوم نسولف واقولها صديقتي كان شعرها لآخر ظهرها
ويجنن حرير قصته بوي
جت امي قالت لان كد شافت صديقتي هذي
قالت حسافه شعرها يجنن عاد
وليش قصته
وع البنت بدون شعر. الشعر يعطي شكل
ونظره للبنت
<انا شعري خشن ليفه ودايم بالبيت ارفعه ماصلحه
الا بالطلعات بس ببيتنا دايم رافعته
قالت شوفي انتي وشلون يطلع شكلك اذا صلحتي
شعرك ويقي ولا استشوار يتغير شكلك كله !!
شوفي وشلون شكلك بشعر وبدون شعر !!
انا من الصدمه اسكتت كانه تقولي شكلك قبيحه
بس كان الشعر شوي يعطيك شكل
جيت امزح معها قلت ودي اقص والله كذا
بشوف ردت فعلها قالت
اعوذو بالله كان وش تطلعين توحشين تصيرين 🤦🏻‍♀️
امي ع النيه تقول الكلمه ولا تميز
يعني اللي بقلبها على لسانها
ماتعرف تسكت تقول احيانا اشياء تجرح بدون قصد
زي مره اسولف مع اختي واقولها عن رسمة حواجب
بنت خالتي اللي تكون مرتفعه وطويله
اقولها بسوي زيها جت امي قالت وع تشين الشكل
قلت لا بالعكس شوفي على فلانه طالعات حواجبها تجنن
قالت امي لان فلانه حلوه !!
ماتتيخلون الموقف حتى اختي رحمتني قامت ترقع
وتجامل
ونفس الشكل مره رحت انا وبنت عمتي
بنفس وحده ميك اب آرتس
تسوينا
امي شافت شكلي ابد ماعجبها قالت موب زين
لما شافت بنت عمتي انهبلت على شكلها
قالت المكياج يعتمد على الملامح !!
بلعتها وسكت وجاء زواج وذكرت امي بحقت هذي
الميك اب قلت اللي سوتني يوم زواج فلانه
قالت لا وع مابيه
قلت نفس اللي سوت فلانه <اقصد بنت عمتي
ترا قالت صدق قلت اي قالت اي فلانه يجنن كان شكلها
احجزيها لي !!
انا موب فاهمه
وش فيني كذا
مادري امي جافه وجارحه لي
ولا انا أتحسس بزياده اختي تقول انتي تتحسسين
من كل شي بس طبيعي هذي اشياء تجرح