هل انا حساسه بزياده

قبل ابد بالموضوع بقول كل شي عشان ماتظلموني
ولا تظلمون خواتي
حنا ناس ماعندنا شغاله
وانا اشتغل ب أسر منتجه وامي تطبخ الغذاء والعشاء
فالمطبخ لما ينحاس انا بكل امانه انظفه
كله عشان انا احوس نصه بتعرفون الآسر
المنتجه قلي وصحون وملاعق ومغارف يعني نص الحوسه
مني فكل يوم انا ارتبه
لكن خواتي تعودو على الشي هذا !!
وهم مايلمسون شي وبكل امانه البيت انا
انا مانظف يعني اكنس وامسح لما خواتي يسون
يعني الشغل بيننا
ولا ماشتغل
اليوم كنت تعبانه ولا نظفت المطبخ
فجاه اختي تقول امي جالسه تنظف ترا
ليش مانظفتي المطبخ ؟
انا انفجرت فيها ان خير وش شايفتني
ليش ماتنظفين انتي بس منسدحه
قالت انا تعبانه علي الدوره
قلت على اساس تسوين شي
عليك او ماعليك
قالت ليش فلانه ماتسوي اجل ؟
تقصد اختي الصغيره ب اول كليه
قلت هذيك منعزله لان طول وقتها بغرفتها فوق
قالت خلاص اجل انا بعد
قلت خلاص اجل لاتجين تقولين ليش امي تنظف دامكم كذا
تحسبون عندكم شغالات !!
كانت هي ناويه تسوي عشاء اليوم ونفست
لما هوشتها
وقالت ماراح اسوي ولا هي كاتبه كل الاغراض لامي
وجايبه امي لها كل شي
قالت امي خلاص لاتسون قلت انا مو مشتهيه شي
اصلا الحين
هي لما شافت قلت كذا قالت لا بسوي
لي انا وامي كأنها تقول انتي لا
فجاه لما خلصت جلست تحط وتقول من قالك انك
بتاخذين <قالتها بضحك ومزح
وهي تضحك
لكن انجرحت
مع اني احس الكلمه عاديه
ودايم بنات اقاربي لما تجيب اختهم مثلا
قهوه تسوي او شي تجي تقول ماحد راح يشرب
انا مسويتها
او انا جايبتها وماشاء الله مايطقون خبر
ياخذون ويشربون انا لا
تحسست وقلت من قال ابي ؟
مع العلم اني دايم لما اطبخ تاكل معي ولا عمري
قلت كذا صح اقولها قومي ساعديني
وتساعد لكن هي
ماراعت اني تعبانه اليوم ولا لي خلق واخذين حجه
ان انتي تحوسين المطبخ والمواعين
و و و و
وهم للأسف فيهم عجز وطماله بشكل فضيع
عندي أختين قسم بالله كانهم بمستشفى بس متسدحات
بالموت بالموت والهواش كل اسبوع ننظف البيت
بالهواش انا ودي كل يوم تفهمون وأقدر كل يوم انظف
احب النظافة والبيت النظيف والريحه الحلوه
لكن مابي يعتمدون على حتى بالشئ هذا
والمصيبه من امي للأسف لما اهاوش
ان ليش ماتقولين لهم ينظفون
تقول كيفهم!!
طيب كيفهم
حنا ماعندنا شغاله
البيت يعفن يعني ؟؟
تطلع ريحته عشان يرتاحون ويقومون ينظفون
هذا غير اذا صار عندنا طلعه ونجهز لبس
بالموت يستعدون ويغسلون لهم ملابس ويكون
فيهم يابنات عجز فضيع عجزت عجزت عنهم حاولت
بكل الطرق اغيرهم ونقسم الشغل لكن مافي فايده ابد
يطنشون ولا يطقون خبر لا وبكل وقاحه تقولي اليوم ترا امي تنظف المطبخ يعني كأنها تقول روحي نظيفه !!
طيب وانتي ؟
حاطه الحجه انا ماسوي شي انتي اللي تحوسين
انا اكثر شي تحسست منه كلامها قدام امي
لما قالت من قال بتاكلين
مع انها قالتها بمزح !!
لكن حزت بنفسي مادري انا كذا اتحسس من اي شي ولا وش وضعي
وقالت قبل لما قلت مو مشتهيه
قالت ترا قلتي ماتبين !!
يعني لاتاكلين قصدها