هل انا صح ولا خطا

السلام عليكم





يابنات هذي ام زوجي كانت حاطه حيلها في سلفتي انتقاد × انتقاد

الين مازوجها في يوم طفش وتهاوش مع اهله عشان زوجته وجاب لها شغاله وتسنعت امورها

صدق الله يستر عليها كانت رفله بس الحين محد يقدر يتكلم عشان يخافون من زوجها

وعشان راتبها قوي ومطنشتهم وشاريتهم بفلوسها (هدايا)

المهم من يوم ماتسنع وضعها ام زوجي مالقت احد تحط حيلها فيه غيري

والله العظيم اني صرت اطنش واتجنب انزل عندها صارت تصعد عندي وتسبني وتطلع

بدووووووون سبب ماابالغ او اسباب تافهه

مثلا تفتح الباب تسوي حالها قرفانه من ريحتنا وتطلع

حركات كثير مااحصيها طبعا لان زوجي مساااااااااااااااااااااالم ماخذه راحتها ع الاخر

وانا ماارد عليها كله ساكته خذ راحتها كل ماتضايقت جت خذت جوله عني بالسب ونزلت

امس كنت تعبانه لي يومين ينزل معي دم وانا حامل

جت جارتها (ضرتها عندي ) حبوبه كانت تبيني في خدمه

شوي الا جت وراها ام زوجي ودخلت ماسلمت قالت ضرتها مياسه لها يومين تعبانه وحنا ماندري عنها

قالت كل من انحشر قال ابي حمام قالو تعبان << بالله هذا كلام؟؟؟

زعلانه لاني ماباركت لها بترقيه حماي انا تعبانه يومين محد سئل عني

انا ولالااااااااااااااااااااااااا كلمه

قالت حنا نخطب بنات حمايل يقال بنت فلان وطلعوا غجر حتى السنع مايعرفونه

حمارات بنات حمارات ماعلمنهن امهاتهم السنع

وكلام والله استحي اقوله

واقسم بالله انا مانطقت ولا حرف مو عشان شي بس منصدمه ومدري ارد مدري اسكت

وضرتها جالسه جنبي قرصتني يعني اسكتي طنشي

المهم قالت الموشحه حقتها وطلعت وطلعت وراها ضرتها الظاهر بتهاوشها ع الكلام الي قالته لي

جاء زوجي انفجرت عليه كله منك محد معطيني قدر هذي سلفتي على خياسها محد متجرا يتكلم

عشان زوجها وقفهم عند حدهم وحنا يالضعوف صرنا ممسحه لهم

ياتروح تتفاهم مع امك ولا انزل ارد عليها السبات الي قالتها

قال خلاص مالك الا الي يرضيك نزل وطول عندها للفجر شفته من الشباك طلع

جاني والدنيا ضايقه فيه وشايل علي يقول هي كبيره وفيها دفاشه طنشي ماله داعي

هو مقهور لانها زعلت عليه وهو مايبيها تزعل

هو ماغلط زي حماي حماي قال الي مو عاجبه يطلع برا

هو قال يايمه مرتي صغيره داريها عيب هالكلام ومن هالكلام بهدوء يعني

هي الظاهر حسب مافهمت جلست تبكي وتقول هي زي بنتي ماامون على بنتي

انا معتبرتها زي امي والله دايم تسب وتلقاني ابتسم واحضر ولبيه ومحد يقوم بعزايمها غيري وبناتها جالسات

هي ليه ماتعتبرني زي بنتها خصوصا اني في غربه بعيد عن اهلي

طيب دايم تتكلم علي انا ساكته ليه تسب اهلي؟؟؟

المهم زوجي مو زعلان علي بس احسه رسمي معي والبيت كله منقلب ضدي

وخايفه من خواته يسوون لي مشاكل

انتم شرايكم الي سويته صح ولا خطا