هل انا عاقة بوالدتي ؟؟؟

السلام عليكم و رحمة الله و بركاته 
و الله كااااارهة نفسي و انا اكتب هالموضوع بس عن جد 
انا في مشكلة و حيرة و محتاجة اعرف ايش الحل 




بالاول بعطيكم فكرة عن شخصية امي 
عنيدة ، دايما تشوف ان الحق لها ، تزعل بسرعة ، تفهم غلط ، شكااااااكة ( و هدا اساس خراب العلاقة بيننا .. ظلمتني في كزا موقف متعلق بشرف)  ، ماتتفهم و لا تسمع وجهة نظر احد لا باسلوب و لا بدون اسلوب ، كلااااامهاااا جااااااررررح بقوة لما تهزء و زمان كانت تضرب لين ينزل دم و يترك اثر ، اغلب الاوقات تنتقد و ما تشوف الا السالب دايما ، ما تثق فيني ، تشيل في قلبها ، مافي شي عندها اسمو حرية مع انو عمري 24 لازم كل شي بزوقها و امرها
هي الصح دايما و الكل غلط ! 
بس بالمقابل ما تبخل بفلوس و لو انها كتير تهزء فيها 
و ازا احتجت شي تديني اياه 




و انا وحدة عنيدة ، فيني شك ، ما احب احد يغلط علي ، و ابين استياءي ، و احب اكوووون لوحدي مالي علاقة باحد بس و ربي اساعدها و اسويلها الي اقدر عليه




بالنسبة ليا  .... انا كنت كاي طفلة زمان احبها بس هي كانت شكاكة في كل تصرفاتي و تضرب ضرب مبرح ... كزا مرة تشكك في شرفي و انا و الله مو فاااهمة شي و يعني جااابتلي تراوما في راسي و دايما
تقولي انت تكرهيني تكرهيني تكرهيني و انا و الله مو كدا و يدوبك طفلة ما اعرف شي 








دحين بعد ما كبرت بصراحة ماعندي مشاعر حب لها من كتر ما زودتها  و لما تزود بالتهزيء و الكلام الجارح ارد عليها بالكلام و ممكن اجلس كم يوم ما اكلمها و بعدها اكلمها عااادي ... طبعا هي دايما تقول اني عاقة عاقة عاقة عاقة حتى و لو ما سويت اي شي  مع اني اساعدها بشغل البيت لما تطلب ( لانها داايما تعيب شغلي ) و لو نتكلم باي شي و الله 99 % دايما تقلب الهرجة علي و تطلعني انا الغلطاانة 
يعني شخصية مااااااا ينفع التفاااهم معاها ....




اليوم تخااصمنا و كالعادة ما كلمتها عشان ما ابغا مشاكل .. بالليل صرررختلي لاني قلتلها ابغا انام لوحدي بالغرفة و اعترف اني رديت عليها لاني مووووو قادرة اعيش حياة مافيها تفاااهم  ...عطتني شبه لعنة و قالت اني عاااااااقة 




انا تعبت نفسيا و جسديا و لا عمري ارتحت معاها بحياتي و دايما افكر اهج من البيت و في نفس الوقت ابغا اعيش اهلي حياة سعيدة و كريمة بعد ما اشتغل ..... و الله يا جماااعةان من اهداف حياتي اسعدهم  ..... ليييش دايما اتظلم ، و الله و انا نيتي صااافية دايما اخد على وجهي !!! 








ايش رااايييكم  ؟؟؟ انااا عاااقة ؟؟؟ مع العلم اني البنت الوحيدة لها !