هل انا على صواب .؟؟

بدخل الموضوع على طول انا والدي واخي متوفين كنت متزوجة من ولد عمي منذ عشرين عام وللاسف شخص متعاطي للحشيش والكبتاجون كان متوظف ويروح راتبه في البلاوي وقتها كان يبيع الاثاث وذهبي علشان يوفر له قيمته وبعدين فصل وانا كنت عاطلة وبعدين ربي اكرمني بوظيفة وطلقني طلقة واحدة لانه تعييني جاء بعيد وبعدين رجعني ورجعت وتوظف هو قبل ست سنوات تقريبا.مشكلته انه انسان مدمن للحشيش والكبتاجون,ماعرفت الا بعد ماوقع الفاس بالراس وعندي منه عيال.وصبرت علشان القرابة ومبغ الفضايح وابغ الستر واتحملت البهذلة والمرمطة وكان تعاملي معاه مره متعب متقلب المزاج مايفي بالوعود كذاب اوقات زي الاهبل زي الطفل الصغير ماكأنه اب واواقات طبيعي واذا ماصار عنده الخراب يهيج ويصايح علينا ويزعجهم بالعمارة ونخاف منه مره ولايطلعنا ابدا ولا يصرف على البيت معتمد عليه بكل شي وراتبه للبلاوي ودايم انصحه يتركها واهدده ياانا ياهو ويحلف انه يتكرها وكذاب بس كلام بياع كلام..ونقلت الحمدلله للمدينة الي ابغ استقر فيها وطلقني الطلقة الثانية في الحج الماضي ورجعني ورجعت له وقد بنيت منزل على ارض لعمي وزعها بين ابنائه وعلى وشك انتهي منه..ثم اتى ذلك اليوم استاذنت من المدرسة ودار بيني وبينه نقاش بخصوص مبلغ العمارة فطلبني مبلغ وقدره وقلت له هل انت فعلا تعطي العامل( لاني اكتشفه اكثر من مره ياخذ الفلوس ولايعطي العامل واتورط وادفع من جديد وهكذا على هذا الموال ..عندما قلت له( صدق بتعطي العامل) وقتها تهيج عليه وضربني على وجهي وعلى كتفي ويصايح بااعلى الصوت وارعب الجيران جدا ثم اتصلت على عمي ياتي ويخلصني من ابنه واتفقت معه ان يخلص البيت واسكنه انا وابنائي فقال عمي لابنه ذلك الاتفاق وزعل مره قال اكسر رجلك ان كملته لها!!! وراح عمي كيف يقول لابوه كذا حسبي الله ونعم الوكيل..المهم انا مره زعلت وحسيت كرامتي انهانت امام ابنائي خاصة انه ضربني قرامهم ويهزئني قدامهم بااعلى الصوت وهم خافو وجالسين يبكون من المنظر..بعدين خرج زوجي من البيت ولما خرج اتصلت على الشرطة علشان يخلصوني منه لانه كان بحالة غير طبيعية خفت يتهجم عليه من جديد ويضربني ولايذبحنا خاصة انه تهديد بالانتقام على لسانه المهم رجع زوجي س10 بالليل ويدق الباب بحاجه قويه يمكن ساطور او حديدة وكسر كيلون الباب..وصديقاتي المعلمات بالعمارة اتصلو على صاحب الشقق يجي يلحق فيه واحد متهجم بالعمارة..وكلمت الشرطة كنت خايفة واتصلو عليه الشرطه يسلم نفسه ورحت انا اليوم الثاني اصدق اقوالي..وصدقتها وتواصلو معاية لجنة الحماية من العنف والنيابة العامة واخذو اقوالي وقلت لهم انه يشرب الحشيش والكبتاجون وسالوني وش الاثبات وولدي اثبت لهم انه شافها معاه وانه يهيج علينا بكل وقت.وحولو المعاملة للمحكمة علشان الحق الخاص والحق العام..المهم حطوه بالتوقيف يوم وبعدين عمي طلعه بكفالة وكلموني الشرطة اذا جاكي وهو بحالة غير طبيعية اتصلي علينا نجي نمسكه لانه واضح انه متعاطي..والحمدلله ماجاء عندي قعد عند اهله وبعدين اعتذر بااسلوب غريب اول مره يتاسف كذا وعيالي يقولون ياماما واضح كذاب يبغ تسامحينه ويجي ينتقم ياماما ارحمينا وتطلقي منه معد نبغاه وبغيت اسامحه لكن ماقدرت لانه قد كسرني بالطلقتين وياما عديت اشياء واجد ومجروحة كثير منه..وقد ضربني قبل عشر سنواات وعديتها بمزاجي ولا كبرتها ..وعيالي معد يبغوني اسامحه كارهينه من زمان وكأنهم متعقدين منه..وابغاهم يعيشون في بيئة سليمة من البلاوي والمخدرات وماكنت احب يشوفون ابوهم بدمن قدامهم..بغيته قدوة صالحة لهم وللاسف...رفضت اسامحه وقلت طلقني الله لايردك ولايرد العيشة معاك وعلى طول طلقني الطلقة الاخيرة..وقاعد يرسل لعياله امكم غدرت فيني وخانتني ويسبني عندهم برسايل وولدي الكبير يدافع عني وقام ابوه قال انقلع عني ياولد امك الله لايوفقك ويوميا يرسل لهم ان امكم منافقة وكذابة وتخدعني ليتني ماعرفتكم ولاعرفتها..وسلامتكم...ليش ماينطر لاخطائه انا نفذ صبري ونفذت طاقتي وخسرت فلوسي كلها والقروض اللي استخرجتها بسبب البيت واخرتها طلقني ورمانا انا وعياله ولاسال عننا ولافكر فينا علشان ماورايه اهل ولااب ولاسند بذي الدنيا,,لكن يشهد الله صبرت عليه صبر يشيب الراس ..وكل يوم ابكي على العشرة ماتهون عندي وهو استخسر وباعنا واسال الله ان يجعلني من الصابرين ويعوضني بعيالي ووالله اني كنت احتاجه علشان يحميني ويكون لي سند بعد وفاة الوالد لكن باعنا برخيص..هل تصرفي كان صحيح..عيالي الحمدلله مبسوطين انني تطلقت ويقولون راحت الكآبة والرعب الحمدلله الحين نقدر نتمشى بدون مايمنعنا..وانا ماهمني الا اني ابغ احافظ على بيتي ولا حافظ علينا ولاريحني وخلانا نستقر الله لايوفقه وينتقم منه..طبعا جاء الحجر المنزلي والمحكمة مقفلة وباقي الحق الخاص والعام..وتوثيق الطلاق اعتقد لازم من حضوري عشان امور النفقة..ووالله اني خايفة من حضوري للمحكمة بعد الحجر خايفة ينتقم فيني ولا بولدي الكبير.....رد حلو منكم يسعدني وادعولي ان الله يجبر قلبي.