هل انا غلطانة؟

السلام عليكم,,, حبيباتي ارجو منكم التفاعل؟ انا قلبي يطحن للان من الغيظ!
الحكاية ومافيها.. طبعا انتو تعرفون بعض المنتديات فيها رجال وحريم تبادل اراء يعني,, مو هذي المسألة...
الميانة ممكن تطيح كتابيا ع صفحات المنتدى.. بس ممكن احد يرسل ع الخاص بحجة انو هادا الموضوع اللي تبغاني اخدمك فيه ماينفع اقوله ع الملأ...
هادا ماحصل مع زوجي في احد المنتديات.. احد الاخوات ارسلتلو رسالة خاصة في موضوع ما هو يبحث عنه وحاطة رقمها انها ماتقدر تتكلم... هو قلي من وقتها.. اسبوع يمكن .. ويوم ما ..سمعتو يكلمها في نفس الموضوع المهم عادي جلست استمع للمحادثة بحكم تقديم خدمة منها..
رحت الغرفة اكمل شغلي الا اسمع المحادثة طالت وهو يضحك .. جن جننوني ايش للدرجة ذي طاحت الميانة.. حتى لو تعرفها ع صفحات المنتدى..المهم بدأت تدخلو في مواضيع حياتها مشاكلها وانها وانها عاد انا مابدي افصل لاسباب انتم تعلمونها..وهو كنها وحدة من صحابو (الله يعيينك ليش ماتسوين كدا ابد اذا احتجتي شي هادا رقمي عندك)هادا كلامه..
خلصت المكالمة وانا انواع الشرشحة والتهزيء.. وباخد الجوال بس كدا تهديد ويسحبوا لاتفضحينا..
يقلي هادي انسانة محترمة وكبيرة حتى لو اتكلمت كدا لازم اجاملها مايسير اقطعها..بعدين هذه الثقة اللي بيننا لو اني زي بقية الرجال كان ماكلمت قدامك ,,قصده حق حريم يعني.. ترضا فيا شوية ويضحك وتغارين عليا تحبيني ولا ماتغين بس اتجوز عليك وبعدين قلي تراك زودتيها وقالب عليا بوز من وقتها ونام بحالو ذا... بالله ايش اسوي كل ماسترجع الموقف اقول ايه يعني ماحس انا,, يكلم حرمة غريبة ويتضحك بحجة اخوية وانو عادي وانو هو متزوج عشان كدا اخدت راحتها...هادا برضو كلامو.. انا مصدعة للان مافي نوم... ارجو انكم تتفاعلون معايا,, وتقولولي انا اش موقعي من الاعراب خطا ولاصح..
للمعلومية هو في حياتو ماكلم حرمة ايام شغلو وبس في حدود الشغل,, وهدي المرة التانية اللي اسمعو فيها كلم حرمة,, بس المرة دي بجرااااااااااءة..