هل انا غلطانة؟؟

السلام عليكم
كيفكم اخواتي
بنات الحمدلله من تزوجت صار لي سنتين ما قد صار بيني و بين زوجي مشاكل والله يديم علينا هالنعمة اللي خلاني اكتب الموضوع انو امس بالليل طلعت امشي لاني بالشهر التاسع و باقي لي اسبوع ان شاء الله و اولد الله يهونها علي المهم اخذت لي 3 لفات في الممشى وقلت لزوجي خلاص انا تعبت ما عاد اقدر امشي اكثر من كذا و رجعنا ع البيت لما وصلني عند امي قلت له جيب لي صدور دجاج ابغى امي تسوي لي بفتيك دجاج و مكرونة قال لي وش تبين عشى قلت له ابغى اكل بيت ما ابغى من برا انت بس جيب الصدور و امي بتطبخ لي قال طيب المهم انتظرته انتظرته تأخر مرة دقيت عليه وقلت له وينك قال في البيت قلت له طيب وين الدجاج قال مافيني حيل اتوقع اني كنت امشي معاك و تعبان قلت له بس انا مرة جوعانة قال خلاص ارسلي السواق يجيب لك قلت له ما معاي فلوس ارسله قال خلي امك تعطيه و انا ب اعطيها بعدين قلت له لو امي عندها شي ما ب اطلبك كان ارسلت السواق قال طيب الحين اروح و برضو ما راح انا هنا تنرفزت مرة لان هوه خلقة من قبل نطلع كان معصب لان كلم واحد من اخوانه و صار بينهم تتش وطول ما احنا نمشي وهوه بس يصارخ علي و انا ما رديت لاني ادري انه مضغوط بس سالفة الاكل نرفزتني لانه يدري اني ما اكلت شي من الظهر المهم دقيت عليه وكلمته بكل هدوء قلت له ي حبيبي ترا ما يصير كذا انا لازم اخذ علاجي و انت تعرف اني من الظهر ما اكلت شي قال اذا خلصت الاخبار رحت قلت له طيب المهم شكله دخل الحمام او شي و اهله دقو عليه و ما رد اخته المتزوجة دقت علي تقول فلان عندك قلت لها لا والله في البيت بغيتي شي قالت ايوة اتفقت معاه يمر بناتي يوديهم المكتبة ياخذون اغراض علشان المدرسة و قال لي 5 دقايق و انا عندك انا هنا ولعت اول ما قفلت منها دقيت عليه و انفجرت فيه كل اللي بقلبي طلعته قلت له انا من الساعة 8 اتشحتك تروح تجيب لي دجاج ما قمت و همه بس قالو نبغى المكتبة فزيت و كلام كثير مو متذكرته تخيلو ي بنات وش رد علي ( على قد ما اسوي لك ما يبين بعينك) انا هنا كان احد كب علي مويه باردة ما عاد عرفت اتكلم قفلت منه شوي الا ارسل لي يقول لا تكلميني ولا يجي لسانك على لساني و لا عاد اشوفك لين تعتذرين و تتعلمين كيف تتكلمين مع زوجك
اسفه طولت بس علشان تفهمون السالفة ي بنات قولو لي هل انا غلطانة فعلا ولازم اعتذر فيني غصة ماني قادرة ابلعها ولاني قادرة ابكي والله ي بنات اني ما زعلت منه ولا شلت عليه بس قاهرني