هل انا غلطانة بتصرفي مع اخت زوجي ؟

السلام عليكم ورحمة الله وبركاته


انا ساكنة فوق اهل زوجي ودايم انزل لهم عندي عيالي اعترف مزعجين بس والله مو ذنبي الحمد لله مربيتهم وأتعب بس ما في فائدة أعمارهم خمس واربع سنوات اذا رحنا بيت اهل زوجي اغلب الأوقات أخليهم قاعدين عندي اذا ابوهم ما أخذهم اخاف من مشاكلهم واليوم كنت عندهم كنا قاعدين انا وام زوجي وخواته وولدي الصغير جاني يركض كان مع عمه جاي يركض ويلف ع السفرة حقة الضيافة وأنكبت المويه كثيرة كانت ويدوس بصحن الفطائر ولا تقولون وينك عنه انا قمت بسرعة بس الحركة كانت سريعة ما لحقت عليه تجيه اخت زوجي في الجامعة وترفعه من رقبته لفوق والله ان ولدي حسيته انخنق وانا سحبته منها بس وجزمته ضربت أسنانها وطلع دم ما حسيت الا ام زوجي تهاوش والبنات يسبون مع ان علاقتنا عادية ما عندنا مشاكل بالعكس تعتبر حلوه تفاجءت منهم نسيت ولدي وقعدت اشرح لهم والله مو قصدي وهي تصيح واستموتت علينا خليتهم كذا وأخذت عيالي وطلعت فوق وزوجي مسافر بنات للحيين خايفة اخاف يسوون لي مشكلة اخاف هذا الهدوء الذي يسبق العاصفة اتصل على زوجي جواله مسكر ؟ وش رايكم انا غلطت وشلون أتصرف