هل انا غلطانه ولا ايش الحل

السلام عليكم ورحمة الله وبركاته
عندي مشكلة مو عارفة كيف احلها تعبت من المشاكل واغلب مشاكلي مع زوجي بسبب هالموضوع
انا متزوجة إنسان طيب جدا يارب لك الحمد يحترمني جدا جدا ويحترم اهله ويقدر مشاعري ويهتم لزعلي ويراضيني
وحنون ومتسامح وقلبه كبير يساعدني بشغل البيت مو دائما بس يساعد ما يقصر
بالأغلب هو يغسل ملابسه ويكويها كريم جدا مو بخيل عنديمنه ولد لكن عيبه مقصر من الناحية الدينية الله يصلحه وأحيانا مشاكلي معاه بسبب تهاونه بامور الدين لكن ما عندي غير الدعاء والنصح له
طبعا غير اجتماعي يحب البيت ويحب نكون حوله انا والعيال يساعدني بالولد
صح غثيث احيانا بالطاعات بس للامانه يطلعنا ويؤنسني
عايشة مع اهل زوجي بنفس العمارة عنده اخوات غير متزوجات ووحدة مطلقة شقتي مستقله عنهم بس مو سالمة من شرهم
طبعا راتبه ضعيف جدا وللحين يسدد بديون الزواج وكمان يسدد فلوس السيارة المهم يبقا من راتبه الف بس واهله ناشبين لنا وخصوصا ابوه موال كل شهر اعطينا اعطينا ع ان بناته موظفات وهو مو محتاج طبعا يارب لك الحمد توظفت وطبعا كثرت مشاكلي بعد هالوظيغة
ي بنات قدرت ظروف زوجي المادية وقاعدة أساعده بكل شي
وأقول معليش بكرا تزين الأوضاع وجدت نفسي ي بنات متحملة كل شي حفايض حليب سيريلاك أغراض البيت من والى حتى كسوة لزوجي ملابسي وملابس بنتي
اذا جووه ضيوف ارحمه وأقول خذ ما أخليه يتسلف ويمد يده لأحد وخصوصا بعد ما صارله مع أخواته يوم كأم يتسلف منهم ويذلوه وتعال ي مشاكل ع انه يردها لهم
والله ي بنات مقدرة ان راتبه ما يبقا منه شي لكن اشوف زوجي زودها لاني جدا كريمة معاه اي شي نفسه فيه أعطيه والله اقعد اجمع من راتبي وبالنهاية تروح مصاريف للبيت او للتمشيات
ولأنه ما يضغط علي من ناحية البيت والطبخ والغسيل والكوي يساعدني فأقول عادي ي بنت ساعديه هذا زوجك
والله طول الشهر وانا اصرف وأصرف
يجي يقوولي بحضر عرس فلان لازم أعطي زميلي مبلغ وما اقصر
حتى التايد والمطهرات وكل شي علي
لان الألف اللي تبقا من راتبه تخلص بسرعة لانه انا مبذرة وهو مبذر نحب نصرف
اكتشفت كم مرة يسرق من شنطتي مثلا مية او خمسين ريال
ولما أجي اساله ما ينكر بس لما اساله احتجتها في ايش يقووولي فلان متدين منه وفلان مدري ايش وابوي طالبني بفلوس طيب انا ايش ذنبي اصرف كمان من فلوسي ع اهله هذا قمة الظلم فوق ما يكرهوني ويسببون لي مشاكل كمان اصرف
اكتشفت امس ابوه طالبه فلوس اخذ اللي بشنطتي وراح يعطيها ابوه وانا والله ما عندي فلوس هذا المبلغ خليته لحليب الولد ع جمنب راح وأعطاها اهله شي يقهر صراحة
طبعا انا ما سكت قعدت أصيح عليه وسبيته سب فقدت اعصابي قعد يتأسف ويترجاني وقالي فعلا انا غلطان بس أبوي ضاغط علي وفاضحني عند العالم ولدي ما يعطيني وولدي وولدي
قلت حرام عليك انا شذنبي يكفي بعيد الأضحى عطيت أمك وأبوك عيدية من فلوسي حتى بدون ما تستأذن مني لانه أعطيته فلوس يشتري أغراض للبيت وقلت الباقي رجعهم
اكتشفت انه معطيهم لأبوه وأمه عيديه انقهرت يعني فوق ما انا اصرف ع البيت فوق كل هذا كمان يعطيهم عيديه من فلوسي
بكيت وانقهرت وحلفت ما أعطيه ريال واحد وراح احفظ فلوسي بمكان بعيد عن عينه لان زودها
طبعا حاول يراضيني ويتأسف وقالي اخر مرة بس خلاص والله قلبي كره تصرفاته لمتى اقعد متحملة انه عايش ع فضلي
ومعتمد علي بكل شي
قولولي هل انا غلطانه