اماسي الغامدي @amasy_alghamdy

عضوة جديدة

هل انا قطعت رزقها ولا لا

بنات بسالكم اذا انا طلبت من حرمه اكل و صراحة اسعارها غاليه و مو قد الطبخ يعني رز الورق كان مهررري و مطبوخ حيل و كل طبخها عادي ينأكل بس مو مره لذيذ يعني فيه غيرها يسوون احلى بكثير و غير كذا كرات البطاطس مدري شلون جايه يعني بامانه ندمت اني طلبت منها 🤗 و تمنيت اروح اطلب اللي اعرفهم اول بس كنت ابي اغير

جتني صديقه لي و سالتني كيف طبخ ام فلان ، لانها تعرف اني طلبت منها بس مو موجوده ارسلتها لي على النغرب و انا فكيت للواتس الساعه ١٢ قلت رايي بصراحه بعدين كتبت لي كويس قلتي كنت افكر اطلب منها قلت اطلبي ترى مافيه عيب والله بس ماعجبني طبق واحد يمكن انتم يعجبكم قالت لا بدور غيرها ، 😢 انا اخاف اني قطعت رزقها و احرمتها ال ٦٠٠ او ٥٠٠ اللي كان بتجيها سالتها اذا كلمتيها امانه ماتبطلين قالت لا لسى انا ابغاه الاحد للمدرسة ماتكلمت معها لسى

يلزم عليك تسجيل الدخول أولًا لكتابة تعليق.

تسجيل دخول

وهج الحائرة • 6 سنوات

آنتي قلت رايك بصراحة تخافي تطلب وتزعل منك انك ما طلبتي صدق

"<وردة الياسمين >" • 6 سنوات

ماودي افتي صراحه .. بس الافضل انك قلتي اكلها نظيف بس ماعجبني مو على ذوقي وبس يعني حرام وحده تشتغل طول النهار وتتعب عشان لقمة عيشها طبيعي يصير شوي فيه حوسه بالذات لو هي جديدة بالشغله هذي وماعندها خبرات سابقه

اماسي الغامدي • 6 سنوات

"<وردة الياسمين >" :

ماودي افتي صراحه .. بس الافضل انك قلتي اكلها نظيف بس ماعجبني مو على ذوقي وبس يعني حرام وحده تشتغل طول النهار وتتعب عشان لقمة عيشها طبيعي يصير شوي فيه حوسه بالذات لو هي جديدة بالشغله هذي وماعندها خبرات سابقه

ماودي افتي صراحه .. بس الافضل انك قلتي اكلها نظيف بس ماعجبني مو على ذوقي وبس يعني حرام وحده تشتغل...

انا قلت لها الصدق حتى الاغلب قال نفس تعليقي ورق العنب فيه مويا كثير و الرز مطبوخ مره ، و كرات البطاطس مو زي الطعم اللي دايم طبخها عادي جداً و السعر كان غالي

الآنسة بيرنآ • 6 سنوات

شوفي حبيبتي .....
الله هو الرزاق ...
لو بيرزق هالحرمه راح يخلي كل الناس تشتري منها ،
ولو بيحرمها الرزق لذنب او مو كاتب لها رزق ، مارح يجونها ناس وتصير تعسرات لان الله مو كاتب لها ...
بالنسبة لموقفك :
انتي ماشتمي طبخ هالحرمه !
ولا عيبتيه ! ولا نشرتي الكلام بين الحريم ،
ان فلانه طبخها وسخ ومو لذيذ ..ووووو
البنت سألتك كيف طبخ فلانه ؟
وانتي جاوبتي حسب ذوقك ورأيك بالأكل ...
وطبيعي احد يسأل غيره عن الشيء ، عشان ياخذ فكره عنه بشكل عام ! مو يروح وهو مايدري عن السالفه ..

زي لما انا اروح للسوق واشوف ملابس ، تعجبني اروح امدحه لفلانه وعلانه ...
ولو ماعجبني .. بقول ترى هو ماعجبني لان موديلاته مثلا ضيقه وغاليه ...

هنا القرار بيكون للي سمعت كلامي ، اذا هي تحب الغالي تروح له عادي
ولو هي ماتحبه مارح تروح له لانها عرفت عنه وريحتها من المشوار.

نعم نعم انا كذا • 6 سنوات

لاابدا الرزق بيد مالك الملك مااحد يقدر على قطعه أو منعه تطمني..
انتي قلتي الأمانه والحقيقه اللي تشكرين عليها
الطبخ أصبحت مهنة من لامهنة له الطبخ *نفس خبره
سنوات حب هوايه *
مو شغاله اجيبها تلف وتفرد والنتيجه
كبسه صايبها حادث والا كيكه اكتشف بعد ماقطعتها
عند الضيوف إنها خربانه
جزاك الله خير على امانتك وكثر الله من أمثالك