هل انا مبالغة بالسالفة ولا لا

السلام عليكم
انا حامل وأول ما عرفت اني حامل قلت لزوجي علم امك من باب البر وقلت يعني عشان تنبسط بأول مولود لنا وعلمها المهم ماكملت شهر ونص الا صارت مناسبه لاهل زوجي ماقدرت احضرها كنت تعبانه من الوحام وبنفس يوم المناسبة خالتي ام زوجي علمت سلفتي عني اني حامل لكن ماعلمت باقي الحريم المهم بعدها بشهر وشوي استغربت ان سلفتي مرسلة لي واتس اب تبارك لي بالحمل قلت من علمها؟ انا ماقابلتها ابد ماحصلت فرصه اقابلها كثير بحكم انها برا الرياض، وانا بصراحه ماعلمت احد عني كثير حتى المقربين لي بعضهم مايدرون مع اني خلصت الثالث لأني للاسف جاني وسواس بالعين احسه مشتتني ، سؤالي وش رايكم ابين لخالتي بطريقة ما، انه ماعجبني تصرفها عشان تاخذ درس مب كل اخباري تنقلها وهي خالتي توها شبابيه يعني ما اقول عجوز غصب عنها ،وتعلم سلفتي الكبيره بسرعة وهي كانت توصي زوجي اول ماحملت ان حنا مانحكي كثير وهي رايحه تعلم بعد شهر لمرت ولدها مفروض انا الي احكي مب تحكي عني ،مع العلم سلفتي علاقتي فيها سطحية مو قويه مره وماشفت منها شر للحين لكنها تعرف ناس من جماعتنا وخفت تنقل لهم واحنا ماعلمناهم .. مدري هل انا مبالغة بالموضوع مره او عادي وتصرف طبيعي اني اتنرفز ،وجهوني تكفون واعطوني نصايح كيف اتعامل بشكل عام لأن شخصيتي قلقة دايم وادقق بزيادة وهالشي متعبني
الله يتمم لي ولكل حامل على خير ويحفظنا ،ويفرج هم كل مهموم ومكروب يارب العالمين ..