هل انا مبالغه في عدم احساسي بامي ام معي حق؟

من غير مقدمات بحكي لكم قصتي من الاول عشان تقدورا تفيدوني بارائكم . انا ابوي طلق امي وانا عمري سنتين وكنا بنتين ولد واخوي الصغير عمره 7شهور اخذته معاها وتركتنامع حريم ابوي وكنا عايشين ف قريه وامي تزوجت وانجبت بعد عشنا حياه قاسيه بمعنى الكلمه وكل شي مر علينا ماشفناها الالما كان عمرنا 9 سنوات احنا رحنا لها والله يابنات ماحسيت انها امي ولا كنت احب اني اروح لها ومع الايام كنا كل بعد سنتين انروح لها واختي الصغيره كان عمرها سنه وشهرين ربتها اختي متزوجه وترك امي لها اثر على شخصيتها خلاها ضعيفه في تصرفاتها وفي جسمها بعد .مشت بنا الدنيا وكان ابوي قاسي علينا مره الله يرحمه ويغفر له ودخلنا المدرسه وكان اكره مجلس الامهات لان كل صاحباتي يحضرو امهاتهن احس بانكسار .ابوي اخذ اخوي الي مع امي وكان عمره 10 سنوات واختي الي مع اختي المتزوجه .وعاشو معانا عند ابوي وحريمه وزادت المعاناه تحملت مسؤليتهم بدري وتخرجت من الثانوي وتزوجت ع طول واخوي توضف وتزوج واختي الي اقولكم ضعيفه شوي ابوي الاايزوجها واحج متزوج وتزوجت وانجبنا كلنا بس هي ماتوفقت ومع الايام امي تلومني اني انا الي زوجتها بالغصب وتقولي انتي ليش ماتركتيها اتعيش براسها احسن من انها اتزوج وجابت عيال وانا اقول بالعكس انجبت بكره عيالها يرفعونها المهم امي اخذت موقف مني وماترد علي حتى لما ابوي توفى ماعزتني .يابنات انا نفسي اني ابرها احس انها امي واشتاقلها وانها اتخاف علي هاذا كله ماعشته وفاقدته ابغى طريقه اتعامل معاها بناتي يسئلوني مين علمكي تطبخي ويذاكر لك يوم كنتي صغيره غير اسكت.اه اه مااقدر اكتب واعذرني ع الاطاله والاسلوب.الغير منسق شي فصدري وقلت اطلعه .