هل انا مجنونة ولا عندي انفصام بالشخصية

انا شخصية غريبة الاطوار مثلا مرة اكره اختي ومرة احبها ومرة اسولف مع انسانه بحب وتفهم مرة اكلمها كأنها ذابحة لي احد بسبب مثلا اني اخالفها في الراي هالشي لاحظوه الناس وصاروا يقولون فلانة الي هي انا دايم معصبة ومكشرة ومرات تجيني حالات ضحك لو الموضوع مايضحك مرة وحدة تكلم بالمجلس بموضوع مؤثرة وانا أقوم اضحك وياليته ضحك عادي وخفيف الا اقهقه والغريب ان كل لحظات ضحكي بسالفة حزينة او انسان يتكلم بشكل جدي او يتكلمون ان انسان مكسور وصارله شي حزين لاتحسبوني افرح بحزن غيري لا والله مرات ابكي من شدة ماني محزنة على غيري بس مو قدام الناس ابكي ومرات ادعي لناس الغريب ان الناس ماتشوف لاحظات ضحكي وفرفشتي يشوفون عصبيتي فقط وصرت مشهورة بالعايلة اني دايم زعلانة ؟غريبة مايشوفوني وانا مبسوطة؟المهم من غرايبي مع نفسي ان صارلي عشرين سنة ادعي اني اتزوج يوم تقدم لي واحد وصار الامر جدي احس خلاص ماعاد ابيه لدرجة ابكي وقلبي يعورني وصرت اكره الزواج والمتزوجين والمتزوجات ودي اقعد بدون زواج طول عمري بنات اذا انا مجنونة قولوا لي انت مجنونة لاتجاملوني واذا انا مريضة نفسية قولوا لي وبعد عندي شي ماقدر اخبي بقلبي شي كل شي أقوله حتى الي اكره أقول لناس اكره وابين له اني اكره وصريحة مرة ماعندي أي مجاملة ولامراعاة لمشاعر غيري شي احسه أقوله وحاليا أتمنى بس ربي يحطني بحياة افضل بالاخرة احس الدنيا مافيها سعادة ابدا من صغري حتى طفولتي كلها رعب وبكي او أتمنى ربي يعيشني حياة سعيدة بالدنيا بس فاقدة الامل بالبشر واحس كلهم اشرار للعلم انا كبيرة مو صغيرة بالثلاثين وتفكيري تفكير بزر واحب سوالف الأطفال اكثر من الاكبار حتى بالمجالس تشوفوني اسولف مع الوراعين وساحبة على الحريم وبنفس الوقت اكره الأطفال اذا بكوا او طلعوا صوت او قالوا شي يقهرني هل انا طبيعية؟