هل انا مذنبه؟؟

انا من شهر تقريبا ام زوجي سكنت عندي بالبدايه كنت فرحانه فيهاا بسس بعد تصرف واحد كرهتها و حقدت عليها
يعني انا كنت اخدمها بعيوني لدرجه انها من تصحا لما تنام جالسه بمكانها قدام التلفزيون والريموت معها
المسلسل الوحيد اللي اتابعها باب الحاره وعلى نفس قناتها المفضله دراما البدويه ولأني اخذ الريموت تبدأ تتافف و تسب باب الحاره و تقول قدام زوجي بيت شعر معناه العقرب مايحب الا اللي مثلها تقصد المسلسل و زوجي مزح معي يعننه بيجلدني بسلك الشاحن فررررحت يوم راح قالت ولدي حبيبي الله يخليه لي !!!
تخيلوا بعد اسبوع من جلستها المهم بنتي تحذف الاغراض و قلت لها بمزح ترا جده تزعل وتروح عنا عيب يا ماما
قالت لي باسلوبها هذا بيت ولدي لو تزعلني اعلمه ويطقها مانيب رايحه
الموقف اللي قفلت اخلاقي منه انا اتابع باب الحاره قامت تمدح الحريم لزوجي وتقول شف المزايين ماهم مثل زوجتك.. قالت عيب فيني انا انصفق وجهي و كنت ببكي ... وقالت تزوج وتمدح طول الوقت عاد هو راح الشغله وكان متبسم مستانس و جلست تمدح وتقلل من قيمتي يعني طولتها قلت لها يوه يالمزيون اللي جمبه ابااتزوجه
قالت ما شاء الله تبارك الله لك نفس للعرس قلت اي والله اجل بتزوجين ولدك واقابلك حتى انا بتزوج وهي تطرطع اش و مدري وشو وكلام وش طوله ورديت عليها نفس الكلام بالضبط
طبعا في الحقيقه لو مزحت معي ونيتها كويسه والله اقولها بالبركة لاني اساسا افكر بالطلاق كل يوم بسبب مشاكلي مع ولدها
لكنها قالت حاجه عني جرحتني عيب فيني والله هذا اللي خلا ردي قوي طبعا ماابغا اذكره
بعد كلامي رحت للمطبخ وبكيت لاني انجرحت عابتني في شي فيني ومن بعدها كرهتها
صرت انام متى ماابي واصحا اسوي الاكل و ربي شاهد احط لها لكن غيرت نظامي مااهتم فيها
طبعا المطبخ قدامها وهي قبل تجيني تطبخ لنفسها وتسوي الاكل وكل شي يوم جتني ماتسوي شي الا بداية الايام تغسل خفيف وكذا المهم اللحين تقول مثلا قومي سوي لعبة بنتك هذي وهي مو عارفه تسويها تركب المرجيحه قلت لها مااعرف
خلي لما ابوها يجي يركبها طبعا مالي خلق اقوم علي الدوره وهي ثقيله قامت تعصب علي يعني ماتبين تطيعيني وتسمعين كلامي شرحت لها قلت مااعرف ليش مكذبتني قالت ايه وتروح لزوجي تناديه يرميها
الأشياء الثانيه بنتي لما نركب السياره تقول خليها بحضنك ما يصلح كذا كيف لو تفتح الباب قلت ياعمه مقفله حاطين امان و تعصب وتزعل وتقول ماتسمعين كلامي و خبله ومدري ليش
المهم انا اصحا احياننا المغرب و اسوي عشاء واحطه لها الساعه ٧ و اسوي اكل واحطه لها الساعه ١ ونص هي تنام الفجر وتصحا الظهر اكون مجهزه قهوتها وشاي و جبن وتوست هي تدخل علي تصحيني دايما واسفهها لان بنظري عندها اكل و تلفزيونها قدامها واذا جلست معها بس تنتقد و تقول هاوشي بنتك لا تصارخ الجيران يسمعون تخيلوا صوت التلفزيون ١ واحياننا بدون صوت علشان مانزعج احد
سلامات وش ذا الكتممه انا اتابع باب الحاره والصوت ٨ تعالوا شوفوها تزعل وشوي ولا تبكي عيب وعيب اقولها انا مااسمع زين ماتصدق تقول تعاندين
المهم اسألكم بالله انا مقصره بشي او علي اثم اذا صرت اطنشها مااسمع كلامها يعني مو كل شي تبيه اسويه ؟
لاني يا بنات مااطلع مكان بسبتها لو بطلع تقول ليش وين اروح و اضطر اقعد والسبب الثاني تبي تقعد طول العمر انا ماني مستعده استعبد من احد واسمع كلامها وهي بينت لي خبثها وفرحتها لما تحسب ولدها بيضربني صح بعد الموقف كرهتها ورحت رفعت على التلفزيون لان انصدمت منها كنت اواصل علشان احط لها الفجر قهوه واطبخ لها من قلبي و اقعد معها بس سبها لي بعيوبي وفرحتها ان زوجي بيضربني خلتني أراجع حسابات
والله هي خربت علي قبل تخرب على نفسها كنت مبسوطه فيها اللحين شايله همها شيييل والله اني كرهتها
اسألكم بالله لو مااسمع كلامها لما تامرني واطنشها ماارد علي اثم؟؟؟؟
طبعا اهلي كارهينها هي ب٨٠ تقول لامي عمه
و ابوي سلم عليها قال حيا الله العجوز زعلت وقالت احسن قلت حيالله الشايب
طيب وامي اللي بعمر بناتك وش وضعها
غير نظامها تشحد ملابس وتقول لامي ابي من ملابسك و عطيني من ملابس بنتك تقصدني بس لا تدري تقصد كوت شراها لي زوجي ابيها
وقبلها نشبت لي واخذت فروتي و هذا هي شايلتها بشنطتها مالبستها نظامها شحده مع ان ربي رازقها اهلي كرهو جيتي صرت ما اروح لهم بسببها
ادري طولت عليكم لكن اعذروني و ادعولي

احترت وش اقول لك
الله يكون في عونك

و عليكم السلام ورحمة الله


بصراحة ما استطعت اكمال الموضوع لطوله
و لأن بدايته كانت بسبب مشكل تافه جدا
و هو مشاهدة المسلسلات و كلاكما آثم فيها و تضييع وقت
و فعلا البعد عن الله يجلب الشر و الحياة الضنكا
و يجعل من الحبة قبة
الله يصلح حالكم يا أختي

شوفيي يَ قلبي أنا كنت زيك مع بنت زوجي
وجآات بوجهي ف الأخير وأكلتها لكن الله م يضيع تعب أحد ولي نيته صافيه ربي بيعطيه على نيته
إذا إنتي كذا معاها ولا حشمت ولا قدرت إش تتوقعين ؟
بعدين فعلاً فيه عمات يغارون على اولادهم بشكل مو طبيعي
صح انا أقولك إتحملي كل شي لكن إلى انها تحرض زوجك يتزوج وفوقها تنقص من قيمتك قدامه وتعيب فيك !! خييييير
لا يا حبيبتي نصيحه لك وازني الأمور واعدلي ولا تضحين بكل شي وتتنازلين ف الأخير انتي بتاكلينها ولا بتحطين لنفسك قيمه
شوفي التلفزيون تقهوي ارفعي الصوت مو أقولك عانديها بس لنفسك حق زي مالها حق
وهي اعطيها واجبها وحقوقها مو لازم تحبينها بس لاتضرينها ولا تظلمينها
اعطيها أكلها وأعطيها الي تبغى لكن مو لدرجه تقدمينها على نفسك في كل شي
وخليك ع الاستغفار
وكبار السن كذا كلههممممم عليهم قوه لسان فلا يهمك
انتي ادعي ان ربي يألف بين قلوبكم ويسخرها لك ❤️

الكبار اشد من الاطفال في دبج الكلام واللي بالقلب يتقال ،، لكن الاطفال نقول براءةاطفال اما الكبار نؤاخذهم على انهم فاهمين عاقلين ،،اللي مثل ام زوجك هذي ثلاث ارباع عقلها رايح ،، والربع الباقي ينخر فيه النسيان ،، تدج الكلمة ولا تحس انها ضايقت احد ،، تخبي الاغراض وتنسى انها موجودة عندها ،، تطلب الزود وما تذكر وش عندها وش ماعندها ،،
عامليها معاملة المريض الذي لا يحسن التصرف ،، فوتي لها اللي يدخل من اذن يخرج من الثانية