هل انا مريضه

والله مدري وش ببداء به


بس انا من جد احس ان فيني شئ مو طبيعي

والا الي اسويه واحسه عادي


والله مدري عن نفسي


بقولكم عن نفسي باختصار


انا صغيره بالعشرينات


تزوجت وجبت طفلين والثالث بالطريق


مااني قادره اتاقلم مع وضعي


يعني انا اخاف علئ عيالي من الهواء


بشكل غير طبيعي


ودي اسكر عليهم بغرفه واخليهم عندي


هم الله يصلحهم اشقياء

ويمكن انا السبب لاني دائم وراهم

وكل من شافني قال بتعجزين بدري من ركضك وراهم اتركيهم

بس مشكلتي اتوقع الخطر دائم

يعني اتخيل ان ولدي مسكر عليه الباب

بنتي رجلها بالسيكل
ولدي يلعب بالماء بنتي طاحت ماعندها احد
واخاف انه يصير لهم شئ اندم العمر كله يعني زي البنت
طيحه شئ في وجهها وانتوا تعرفووون البنت اول من تلوم امها ليه تركتيني يوم كنت صغيره


دائم لازم اقوم اشوف وارجع


امي تقول من جاك العيال صرتي ماتسولفين سالفه علئ بعض

زميلاتي تركتهم قرابتي نسيت اشكالهم

صرت غريبه حياتي بيتي وعيالي وزوجي

وش اطبخ وش اصلح ارضيه هو الناس نسيتهم


اروح لاهله شوي وادق عليه 100 مره ولدك عندك بنتك وينها

اروح لاهلي انواع الكرف عيالي عيالي وراهم وراهم

الشغالات مااواطنهم والسبب عيالي

اخاف عليهم

انا مسستحيل اخلي عيالي يناموون بدون مااغير لهم مااوكلهم مااشربهم مادهن بشرتهم

وانا من النوع الموسوسه يعني مااكل من يد الشغاله

مااشرب بكاس غاسلته لازم اغسله قبل اشرب به

اللبس انا فوقها غسليه زين عن الصابون لايضر عيالي ويضرني
يعني اليوم شفت شغالتي طبعا جايبتها بالشهر وهي حبشيه
عشان قرب ولادتي
نظيفه وحليوه شفتها توكل ولدي من نفس ملعقتها ورفضت شغلها هذا وهي تقول عادي كثير يكفي

نحسبني اخاف غداها يخلص وانا خائفه علئ ولدي

بعدين قلت لها مايصلح ياكل من نفس الملعقه شفتها زعلت وتضايقت

واليوم شفتها تصرخ علئ بنتي ومحمره العين عليها لان بنتي الله يهديها شقيه

وضقت عليها وقلت الا عيالي لاتضيقين عليهم وزعلت ثانيه مع اني مدري وش الحوار الي دار بينهم بس تضايقت يوم شفت بنتي مطيره عيونها وخائفه منها
مع اني شفتها تبوس بنتي وتراضيها بس مدري عاد عن الي بقلبها

وانا صعبه اراقب بنتي بكل وقت

وشيلها بولدي اقول بشويش وهي كانها الله يهديها شايله قطعه اثاث




تعبت من نفسي

ودي اصير بارده

ودي اخذ الامور بشويش دائم صراخ ومناقشات
حتئ اهلي يقولون مايصلح لك شغالات انتي وين والخدم وين

ياصبر المدرسات يخلوووون عيالهم عندهم


انصحوني وش اسوي

انا مقبله علئ بيبي جديد يعني ثلاث بزران

وزوجي ونفاس وضيوف وحالتي حاله

وبيت اهلي كبير

زوجي يقول لاسلمنا منك وعندك شغاله ولاسلمنا وانتي ماعندك

تعبته معي

انصحوني وش اسوي

مقبله علئ رمضان وعيد

يمكن نفسيتي تعبانه من الحمل وقرب موعد الولاده بس انا حاسه اني من زمان طريقتي غلط

نسيت اقول لكم ان بيتي لازم يكون تمام تمام والطبخ تمام التمام

ولبس عيالي ونظافتهم يوميا احممهم يعني حياتي ماشيه مثل الساعه دقائق وثواني لاتتاخر ولاتزيد ولاتنقص


نظام دائم


ادعوا لي يتغير طبعي وابرد شوي تعبت من الحرص الزائد