هل انا مريضه نفسيا واحتاج علاج؟

في البدايه احترت وين اكتب موضوعي لانه مشكله نفسيه قبل كل شئ ومالقيت الا هالمكان اكتب فيه

انا حياتي عاديه مثل اي حياه بحلوها ومرها ومشاكلها المعتاده
بس نفسيتي مأثره على حياتي فانا اعيش في اكتئاب وخوف وقلق وأحس بأوجاع كثيره في جسدي من راسي الى قدمي واخاف اروح المستشفى مره احس بدوخه ومره صداع ومره الم في الاذن ومره القلب ومره ضيق تنفس واحيانا شئ غريب ماقدر اوصفه اقول يمكن الغده هذا غير اني مصابه بشرخ مزمن وعندي حساسيه في الانف تشتد حسب المواسم ومأثره عالجيوب الانفيه يعني مجمع امراض

وتعرفون الزوج مايحب الا الزوجه القويه السليمه نفسيا وجسديا والاطفال يحتاجون لام قويه تكون الحضن الدافئ مو الحيطه المايله في البيت
الصراحه اني تعبانه من كل النواحي ومع اني اقاوم واسوي نفسي طبيعيه امام زوجي واطفالي بس اوقات انهار واتعب
عندي خوف ورهاب غير طببيعي من المستشفيات ودائما خايفه من المرض والموت والتفكير المتشائم طول الوقت فااذ حسيت بأي ألم في جسمي اتوقع شئ خطير واتخيل اواتشاءم واخاف ويسيطر التشاؤم والوسوسه على حياتي

اعيش حياه مظلمه كئيبه ولا لاي شئ طعم
طبعا هذي الحاله تخف شوي بس ماتختفي بس ترجع بين فتره وفتره وأوقات تشتد وابكي بحرقه واتخيل اني خلاص ايامي معدوده في الحياه فتزيد حسرتي على اطفالي

احس اني صرت ممله لمن حولي من كثر الشكوى بس ايش اسوي غصب عني فيقولون روحي المستشفى علشان تطمنين قلت يمكن مايطمنوني يمكن روحتي للمستشفى بداية عذاب وشقاء

لاحول ولاقوة الا بالله

انا لي سنين على ذالحاله تختفي فتره وترجع قويه مره وتنهارنفسيتي ومعنوياتي مع اني محافظه على قارءة القرآن يوميا والدعاء

دلوني ايش اسوي وهل لمشكلتي حل ؟
هل اذهب لطبيب نفسي؟
معليش كلامي احسه مو مرتب بس اعتبرها فضفضه