هل انا مزودتها ..ولا ....لا ...شاركوني

السلام عليكم ورحمة الله وبركاته .
عزيزاتي في المنتدى ...ابغي رايكم في موضوع كدا ....
ابغى اعرف هل هذا الشيء طبيعي ولا انا زودتها شوي ....
من غير ماطول عليكم .....
علاقتي مع زوجي جميلة للغاية والحمدلله ....متفاهمين ونحب بعض .زوحياتنا مستقرة ...احيانا تمر علينا مشاكل بس عادية اختلاف في وجهات النظر سرعان مايزول ......وانا بطبعي مااحب الروتين بالمرة يعني دايما وعلى طول اسوى شيء جديد ..وزوجي يحب دا الشيء ودايما اصحابه يقولولو انت الوحيد اللي فينا تلازم بيتك على طول ولو طلع مشوار ولو صغير نكون معاه ....ويوم يروح الدوام مع بعض على التلفون نسولف نضحك مرة يدق علي ومرة ادق عليه .ونتبادل الكروت عبر النت والعبارات الحلوة عللى طول حتى لو في خلاف بيننا لازم نصطلح قبل النوم ماقدرانام وهو متايق من اي شيء مهما كان صغير واحيانا لو عندو وقت في الدوام نكون على النت ونتابع اخبار بعض ..
المهم انا صرت افاجؤ دي الايام كل يوم بشي جديد حتى صلر يخاف يدخل البيت ....لو قلت كلام حلو بصوت انعم شوي يقول الله يستر اليوم اش في ......اقرب شي اليوم وقبل دقايق دقيت عليه تلفون .....وشوي كلام حلو بس زيادة من المعتاد هو دا الكلام يكون حسب الاحساس صح ولا لاء ...المهم راح سالني حطيتي بخور في البيت قلتلو اي .....سالني من الاكل ..قلتلو الاكل اللي تحبو ....سالني من العيال قلتلو نامو ......قلي يعني لحالي اليوم ....قلتلو اي قال خلاص بتاخر شوي مادري ....اش يقصد ....هو يحب يمزح وقالها وهو يضحك ......بس ياترى هل جرعات الحب والدلال الزايد شوي بيخليه يهرب من البيت ولا اشلون استمر في مفاجاءتي له ولا زي مايقولو اهدي اللعب شوي ....مادري
اسفة عزيزاتي الموضوع يمكن يكون غير مهم بنظركم لكن والله عندي مهم وابغاكم تشاركوني بارائكم .....واسفة مرة تانية لاني طولت عليكم .......:44: :06: