هل انا مصابة بالعين ؟ حياتي مره صعبة ساعدوني حرم الله اياديكم على النار

السلام عليكم ورحمة الله وبركاته


بنات انا ابي اسألكم وبالله عليكم اللي تعرف حالتي هذي من ايش تقول ، انا كنت ملتزمة لدرجة كبيرة ولا امدح نفسي لا والله بس كنت ما اشوف التلفزيون وكنت ما اسمع اغاني ابد واصلي واقوم الليل على قد ما اقدر واقرأ قران ولا اغتاب ولا انم باحد وفي حالي :( بس فجأة انقلب حياتي صرت بس اصلي الفرائض ولا اخشع وصرت ما اصلي النوافل ولا اقرأ قران كثير ولا اقرأ اذكاري واحيانا اسمع اغاني كل شهر مره او مرتين بس تصيرلي حالة تأنيب ضمير وخوف من رب العالمين واسكرها على طول ولا اهتم بمسؤولياتي وادعي على كل من ظلمني ووالله وانا ادعي يضيق صدري واحيانا استغفر واحيانا اتمنى لهم الشر غصب عني من كثر الألم اللي حسيته منهم وانا انسانة بحالي ، وصرت انام كثير ولا ابي اقوم ودي اناااااااااام وعشان كذا تروح علي صلاة الفجر وعلى طول مهمومه ولا احس بأي طعم للحياة ، احيانا كثير ودي ادعي بس مدري وش فيني ما اقدر ودايما اوسوس ان في شي مو زين بيصيرلي وان الناس بتكيدلي اكثر ، شفت في حياتي مواقف صعبة كثير ودايما وين ما اطقها عوجا ، حتى لما كنت ملتزمة كان الناس يتسلطون علي من دون سبب ومن بين كل الناس وتعرضت لمواقف صعبة والم نفسي ولا لقيت وظيفة ولا تزوجت ودايما اموري متعقدة ، كل اللي حوالي احس عيونهم على اتفه شي عندي ، اذا سمنت قالوا سمينة ويطالعون واذا نحفت قالوا كيف واذا فتحت قالوا كيف فتحتي حتى فمي يطالعون فيه اقسم بالله من كثر الحسد حاسديني على شكل فمي :angry2:ولدرجة ان الآن مالقيت علاج للثتي ابدا مو راضية تشفى مع اني سويت كل شي ، وتجيني الالام بالدورة لا تطاق ما اقدر اتحملها واروح اخذ حقن كل شهر :( حتى الفلوس اللي بإيدي يطالعون فيها ما ني قادرة اكون مقبلة على الحياة ومرة قريت سورة الرحمن ثلاث مرات زي ماقالت وحده هنا الله يجزاها خير بعد صلاة العصر والمغرب حسيت كأن في شي طابق على صدري ولا عاد قريتها .

انا اخاف من رب العالمين بس كل اللي يحصلي غصب عني احس مو قادرة حتى اذا جيت اصلي بالقوة اقوم هذا الشي صارله فترة طويلة ، الله يوفقكم هل هذا حسد ولا عين ولا انا متوهمة:(

كيف اللي فيني هذا كله يختفي والله مالي الا الله ثم انتم ودي ارجع زي أول ، الله يحققلها كل امانيها اللي ترد علي او تفيدني ساااااعدوني