السلام عليكم ورحمة الله وبركاته
الاصابه لها علامات يعني مافي مجال تدخل بالشك او تقول هذي وسوسه.... لا تخلي الشيطان يغير تفكيرك للعلاج ويتركك تنشغل بأمور ثانيه.. مثلا مرض نفسي.. او أثر نفسي من موقف قديم....
فيه علامات تظهر لأغلب الحالات ظاهريا.. :
عصبيه بدون سبب
السهو او النسيان في الصلاه او الوضؤ
كره الاهل..
الرغبه بالانتحار
الملل من كل شي حولك
كره الصلاه وأحيانا ان كنت مواظب ع شي لله تتركه لكن من داخلك تتمنى تسويه.. مثلا النوافل او الصدقه
في الأحلام : حلم وكأنك تطير.. او ترى زواحف او نمور واسود او عقارب.. او امرأه بشعه غريبه لأول مره.. او امرأه بعباءه سوداء
وعلامات مع القراءه والذكر مع الرقيه :
نعاس وتثاوب و خفقان
اذكر شخص من الكويت ظل يتعالج ٢٠ سنه ادويه نفسيه وكان يطلب من الدكتور يزيد الجرعه له لين صار يرفض وقال لو ازودها لك بتموت فقرر سبحان الله انه يلجأ للرقيه وكان سبحان الله الشيطان مسيطر عليه وكلما جا طاري موضوع رقيه قال خرافات واهلنا اول كانوا يخوفون بالجن ومن هالاشياء.. المهم لما رقى اتضح انه هو و زوجته مسحورين... ونطق الشيطان بلسانه وضحك قال طول هالسنين انا مرتاح لين طلعت لي من وين طلعت..
لذلك اي شخص يشك بنفسه ويقيم حالته مو ضروري تدخل بدوامه او حتى تشوف نفسك تحتاج لبرنامج علاجي... لا الأمر بسيط الشيطان يكره القرآن وممكن يتحمل لو كنت تختبر نفسك لمده ساعه او ساعتين.. لكن حاول تواجه برقيه.. شرطي الوحيد لا تسمع لرقيه بآيات مسجله اسمع رقيه لراقي سجلها بصوته بنيه الشفاء من كل أذى وبإذن الله لو فيك شي راح تبين هالعلامات..