هل انتهى عمري؟

لااا ياقلبي عسى عمرك طويل مايصير تفكرين كذا لأنك بهالطريقه راح تحسسين عقلك الباطن انك فعلاً صرتي عجوز ويبدأ اهتمامك بلبسك وبشرتك يقل


بنت خالتي تزوجت قبل سنه كان عمرها فوق الاربعين ماشاء الله تشوفينها تقولين بنت عشرين سنه من كثر اهتمامها بنفسها صبغات ولبس وشياكه على الأخير مع انها ماسلمت من بعض النغزات من المجتمع العقيم بس الله لايضرها كانت تخش بعيونهم وتقول ليه من حقي اتدلع واعيش حياتي
واذا كانت النغزات بالتلميح تمررها مرور الكرام ولا كأنها تسمع ، والله ماحلفتيني انها كانت بالمناسبات تنقش رجولها زي العرايس تقول مو بس المتزوجات يكشخون حتى حنا ندلع انفسنا 🙊 ودلعها انعكس ايجابي على بشرتها وجسمها وكل شي فيها حتى اذا شفتيها تحسينها اصغر من خواتها المتزوجات بكثيييير


المقصد انها ماهدمت حياتها عشانها تأخرت بالزواج او وصلت سن اليأس وانتي برضو نفس الشي دلعي نفسك واللي خاطرك فيه سويه لاتهتمين لرأي الناس لانهم مو تاركين احد بحاله


اوكي حلو الوحده تراعي عمرها يعني ماتجلس تناقز زي البزران وهي حرمه طول بعرض ! بس الاهتمام واللبس و طريقة ترتيب الشعر ابداً ابببداً مالها دخل بالعمر


عيشي حياتك ودللي نفسك 🙏🏼❤..

تصدقين توقعتك بتقولين شارفت على الخمسين ولسى ما تزوجت علشان كذا حزينة ومتوترة
طلعتي الحمد لله عندك عيال على مشارف الزواج احمدي ربك يا قلبي كل النعم عندك وكل عمر له حلاوته
إنتي تشوفين كيف الغربيات الوحدة عمرها في الستين وتقولين بنت في العشرين لا وتتزوج شاب ثلاثيني بعد ما يحقرون أنفسهم واحنا من يوم يصير عمري ثلاثين بديت اوسوس وأهمل نفسي
يا حبيبتي حياتنا احنا اللي نرسمها بأنفسنا ياما بنات في العشرينات شكالهم عجائز من عدم اهتمامهم بأنفسهم
وياما نساء في الخمسين تفكرينها اخت بنتها ماشاء الله من العناية والاهتمام وحبها للحياة

يشهد الله اني قابلت ام وبناتها وانحطيت في موقف البنات وحده منهن كانها اكبر من الام مرررة ماصدقت الا بعد ماشفتها تنادي الام يا امي. انا صرت متنحه لابعد حد ايقنت انه بالاهتمام والمرح يعطي ذالك انعكاس على البشرة والجسم

لكل عمر تجربته اذا هالشعور جاي من داخلك ممكن تتعاملين معه بس الي قريته ان الي حواليك هم الي مسببين لك ها لحالة
انتي البسي وعيشي وسوي الي يريحك انتي
واذا الاشخاص الي حواليك سلبيين اسحبي عليهم
ترا بعض الناس تحب تخرب على بعض
تجيك الوحدة مافيها حيل تهتم بنفسها بس ما تبي احد بعد يهتم تبداء توسوسلك وش له لابسة ستايلك مو لابق لعمرك وش متهولة خلاص كبرتي
اسلوب غبي وقح
اهتم والبسي وخليكي انيقة وجددي شبابك وما عليك من احد

انا بشوف ستات سنهم عدا الخمسين وشكلهم في أول الأربعين أهم حاجة النفسية الكويسة عشان الحزن وشيل الهم بيعجز وبيغير الشكلواهتمي بنفسك في بيتك ولو انتي حسيتي من جواكي انك صغيرة كل اللي حواليكي هيحسوا كدا