السلام عليكم و رحمة الله و بركاته
كيفكم جميعا اخواتي في الله؟
بالرغم ان الموقف الي حكيه لكم حصل من 3 سنوات الا اني حبيت احكيه الان لقراتي لمشاكل كثير من الاخوات هنا و ابتلائتهم الكثيره عسي ان تكون هذه القصه عبره لهم
انا بحب جدا مكه والمدينه و ادعو الله ان يقبض روحي في اي واحده منهم
و بحب اروح عمرة العشر الاواخر من رمضان جدا لثوابها بحجه مع الرسول صلي الله عليه و سلم
كنت في عمره من 3 سنوات وكانت في اخر 10 ايام في مضان وانتم طبعا عارفين مدي متعة التراويح و التهجد
المهم ان انا كل سنه في العمره ربنا يدمها عليا نعمه بصلي في الدور الثاني الا العمره دي قلت اصلي في الصحن امام باب الكعبه علي طول عند المنطقه المخصصه للنساء عند السلالم بالضبط
و كنت كل يوم اصلي التراويح والتهجد في نفس المكان و اتعرفت علي اخت مصريه و اتصحبت معاها حتي اني الي الان بكلمها و علي اتصال بها ربنا يديم المحبه بنا يا رب
و في احد المرات جت 3 نساء من الجزائر و قعدوا جنبنا اثنين منهم كبار في السن و واحده صغيره عمرها 23 سنه وقتها و ما شاء الله ايه في الجمال تبارك الخلاق
و والدتها و خالتها كانوا معها ووالدتها كلمتني انا و صديقتي و حكت لنا قصة بنتها انها عمياء
بالرغم انها كانت مبصره الا انها ابتليت بالعمي نتيجه اصابتها بحمي شديده اثرت علي نظرها و عميت و سافروا بها الي سويسرا لعلاجها لكن الاطباء اجمعوا علي عدم امكانية الرؤيه مره تانيه
و قرروا انهم يعتمروا و ان يودوها لشيخ يقرأ عليه في مكه عسي ان اللي يكون اللي فيهاعين لان البنت ما شاء الله رائعة الجمال و خصوصا عينها سبحان الله
المهم اني اتصحبت علي البنت الجزائريه انا وصديقتي و كل يوم والدتها تجبها لنا من صلاة المغرب تفطر معانا و تتركها معانا تصلي التراويح و التهجد و اوصلها انا الي فندقها بعد الشروق
و كانت دايما بتطلب مني وقت السحر اني اطوفها حول الكعبه و اني اوديها الي الحمام و طبعا كنت لازم اكون محوطاها بذراعي علشان ما حد يخبطها او تقع لدرجة اني كنت بخاف عليها تقع و هي في الحمام لوحدها
و في اخر ليله في رمضان طلبت مني اني اوديها الحمام و اتوضت و طلبت اني اطوفها حول الكعبه و فعلا اخذتها و احنا بنطوف كانت بتبكي و تدعي الله بشده و قالتلي اول ما نمر امام باب الكعبه وقفيني باتجاهه و فعلا وقفتها اما باب الكعبه و بدات تدعي و ترفع اكفها و تبكي بهستريه و طبعا احنا واقفين في الطواف بس الحمد لله انه وقتها كان فاضي لان اغلب الناس كانت بتتسحر
و فضلت تدعي مده و تبكي بشده الي ان لاحظت انا الناس بيتفرجوا علينا و قلت لها خلصي علشان نكمل طواف
و فعلا كملنا الطواف و رحنا مكاننا علشان نصلي ركعتين الطواف , انا صليت و خلصت الصلاه و هي ما زالت بتصلي و رحت اجيب ماء زمزم نشرب قبل الاذان رجعت لقيتها لسه بتصلي و بتبكي و جسمها بيهتز في الصلاه و مطوله في السجود جدا واول ما خلصت لقيتها بتقولي يا فلانه انا شايفه
طبعا انا ما صدقت قلت اكيد هي بيتهيأ لها , قلت لها طيب انا شنطنتي لونها ايه؟ قالتي اسود في ابيض و فعلا شنطتي لونها كان كده , سالتها مره تانه طيب انا ماسكه في ايدي ايه و كنت ماسكه منديل ابيض , لقتها بتقولي منديل ابيض
قالتي انها و هي بتطوف دعت ربنا برجاء و انها كانت موقنه انه سبحانه و تعالي ما راح يخيب رجائها و انا و هي بتصلي كانت مغمضه عينها و فتحتها لقت صورة الكعبه فقالت انها اكيد بتتخيلها زي ما كانت بتشوفها في التليفزيون في الجزائر بس لاحظت انها قريبه منها قوي, مش بعيد زي صورتها في التليفزيون, و انها شايفها و هي مشوشه مش صافيه قوي كانها مضببه ,و دققت اكتر فلقت نفسها شايفه الارضيه عند السجود
و الله يا بنات ان الاخوات اللي كانوا حولنا و عارفين قصتها قاعدوا يبكوا والمطوفات اللي كل يوم كنا بنشوفهم واتعرفنا عليهم كانوا بيبكوا من الفرحه
و قعدت تقولي ادعي يا فلانه ربنا قريب جدا و مجيب, و لما قلت لها ادعيلي قالتلي ادعي انتي , انتي ادري بمشكلتك و ربك قريب مجيب قادر انه يحلها لكي
والله عرفت ساعتها ان المشكله مش في الابتلاء المشكله فينا احنا
هل احنا بندعي ربنا و احنا موقينين بالاجابه زي ما الاخت كانت موقنه
و لا احنا بندعي بلسنا فقط و قلبنا غير موقن بالاجابه وان الله قريب و اه قادر علي ان يقول لشئ كن فيكون
و بعدين نرجع نقول ليه ربنا ما بيستجيب لنا
علي الفكره الاخت دي فضلت عاميه لمدة ما يقارب من سنه مع تاكيد الاطباء انها مستحيل تشوف تاني ابدا
و اخذت نمرتها في الجزائر علشان ابقي اطمن عليها و كلمتها بعد ما رجعت و راحت للاطباء و كانوا مذهولين من اللي حصل
ذا بيوتي @tha_byoty
كبيرة محررات
يلزم عليك تسجيل الدخول أولًا لكتابة تعليق.
wed 2005
•
سبحان الله ماشاءالله تبارك الله مشكوره يالغلاسبحان الله ماشاءالله تبارك الله مشكوره يالغلا
الصفحة الأخيرة
سبحانه