انا عن نفسي كنت في بيت اهلي مااسوي شي ابدا عندنا شغالة وكل شي عليها
وتزوجت وسكنت بمنطقه ثانيه عن اهلي والحمدلله لي اربع سنوات وسكنت خلالها في بيتين
وعندي طفله ووحده والحمدلله اسوي كل شي بنفسي بس مرتين هي اللي جبت فيها
خادمة بالساعات بعد ولادتي ساعدتني والحمدلله مع التنظيم والترتيب كل شي سهل
والله يكتب اجرنا ولايحيجنا لهم ابدا

بنسبة لي ضد في ناس من هم وصغار عايششين على الخدم يعني هم مثل الاميرات وتعالي شوفيها لتزوجت ماتعرف شيئ ماتعرف تنظم تنظف ترتب ولا شيئ فانا ضد هالشيئ
انا معني مو متزوجة بس لتزوجت ماراح اجيب خدم واخليها تنظف بيتي ليش ماعرف انظف ؟ طبعا انا اتكلم عن الناس الي متربين على الخدم وهم يقدرون ينظفون بيتهم بنفسهم يعني اتكلم على البنات المدلعات بس ممكن استأجر شغالة ليوم واحد تساعدني اذ كانت عندي مناسبة كبيرة تشتغل لساعات واعطيها فلوسها وتروح في نفس اليوم اما انها تنام عندي مستحيل مدري تربيت على هالشيئ مانجيب شغالة

لااااااااااااااا مامنهم الا المشاكل

كلن وظروفه،
اللي وضعها الجسدي والنفسي يساعدها تشتغل لاتجيب
واللي ماتقدر لايكلف الله نفسا الا وسعها
اعرف حريم بيوتهن وسخه وعفن وتقول مابي شغاله كذا مايصير
المهم النظافه يا انتي يا الشغاله
لكن وضع الام واطفالها وبيتها كارثي والسبب ماتبي شغاله ولاهي تشتغل وتنظف

طول عمري اكره الخدم ومازلت
لكن الظروف حالياً حدتني الحمدلله على كل حال
بيتي دورين وعندي اطفال الله يصلحهم وموظفة ودوامي في قرية بعيدة يعني اسافر الصبح والظهر
تتوقعون بيكون في حيل للشغل والتربية والتدريس واقابل زوجي !!
مستحيل لو اني سوبر ومن ما قدرت وفوقها عندي خمول في الغدة ومشاكل في يديني متعبتني كثير
جبتها واكذب اذا قلت اني مرتاحه بالعكس مافيه راحة وفي بيتك حرمة غريبة
بس لها سلبيات وايجابيات
تفرغت اكثر لزوجي واولادي ونفسيتي احسن لأن الضغوط اقل
صار مسموح لاولادي يعيشوا طفولتهم بالطول والعرض يطلعوا الالعاب ويرسموا ويسوو كل شي بدون ما اعصب منهم واشيل هم التنظيف وراهم
صرت ما اتنازل عن نظافة اي زاوية بالبيت اول مع الضغط ممكن اتغاضى شوي عن بعض الامور لأني ما الحق وهذا الشي متعب لي نفسياً لاني دقيقة جداً جداً

السلبيات
تقل الخصوصية بس الحمدلله بيتي كبير ومعلمتها تنزل تشتغل وتطلع على طول ما تكون تحت الا فترة الصباح والباقي تنزل اذا ناديتها
المصاريف زادت للضعف في كل شي الاكل ومواد التنظيف حتى فاتورة الكهرباء بشكل مفجع
شغالتي تسبب لي مشاكل واحراجات اذا راحت عند احد لانها عله وما تبي تشتغل تبيهم يخدمونها عمتي وهي حاطه رجل على رجل وترفض تشتغل مع باقي الشغالات الا بمشكلة وخناق