وييييييييييييييييييي الله يرحم أيام قبل




تبون الصج










أنا اول ما بلغت كنت حساسة حيل وبعدها فقدت ثقتي بنفسي بس مع السنين (( تقريبا 4 سنين )) صار هالشي عادي وما عندي حساسية اتجاة أي شي تدرون اني الحين بثانية ثنوي وعندي صديقات كل ما جاوبت او سويت شي قعدوا يضحكون علي بس انا ما اهتم لـ هالشي تدرون ليش ؟ لأن انا كنت أقرى حكم وأمثال بالاربع سنين الي طافت وكل مالة وعقلي يكبر زيادة واحس اني مثقفة وهالشي يخليني اكثر ثقة بنفسي مثلا أقول ما يهموني اذا ضحكو (( ما يعيب الا المعيوب )) وهذا مثل واستفدت منة :) .. وبعدين انا بيني وبين نفسي أقول منو هم عشان يقولون عني هالكلام ؟ الله ؟ الرسول ؟ بنات سخيفات ما عندهم سالفة .. هذا الشي احطة في بالي دايما واذا تبون الصج هم سخيفات والكل يكرهم وهذا سبب ثاني يخليني ما اهتم لهم وبعدها اقول هم بشنو احسن مني عشان يتطنزون ؟ أنا حلوة وفيني أنوثة مو عند غيري انا ما كنت احس بحلاوتي من قبل لأن الثقة بالنفس تخلي الإنسان أعمى عن أشياء حلوة فية مو موجودة بغيرة واذا تبون الصج انا صوتي مو حلو وذلك بسبب الهرمونات الذكرية الي انشالله راح أعالجها عشان جذي صوتي خشن شوية مثل صوت الأولاد بس عااااااادي هالشي عندي واذا بتكلم أو أجاوب بالصف أجاوب بصوت عالي صج ان في بنات جدد استغربوا من صوتي بس عادي يحق لهم لووووووول .. بعد الأنسان لازم ما يكون جاد بكل شي لازم تكون روحهه رياضية عشان يقدر يتقبل الأمور بصورة أحسن .. ومرات أجاوب غلط بالصف واجوبة تفشل بس كلا اقول عاااااادي يلا .. واليوم خلتني أبلة الألعاب أركض بروحي اهيء اهيء لأني ما كنت أركض بسرعة << مالها خلق .. وبعدها ركضت شوية وفي بنات كانوا يطالعوني بسخرية بس بعد ما اهتميت وقلت عاااااادي واليوم بحصة الحاسوب في وحدة من الشلة الي كتبتها فوق كانت ما ادري شنو تسوي من وراي حركات او تطنز المهم انا ما اهتميت ل هالشي واذا شفتها تضحك علي اطالعها بنظرة عادية جدا والحين ما قامت تقدر تطنز علي او تقول اي شي عني ومثل ما يقولون (( واثق الخطا يمشي ملكاً )) ومرات أكتب تعابير بالصف تفشل مثل الأطفال :22:لوووووووووووول بس كلا اقول عااااادي ومثل ما يقولون (( طنش تعش تنتعش )).. قبل كنت حيل اتفشل اذا شفت أحد يضحك علي بس الحين صار عندي عادي تدرون ليش ؟ لأني أقرى قرآن الي يقرى القرآن صدقوني يحس بسعادة والساوس تبتعد عنة وتزيد ثقتة بنفسة انا قاعدة أقولكم تجربتي عشان علا وعسى أحد منكم يستفيد منها ولازم تعرفون ان الثقة بالنفس مو مولودة بالإنسان بالعكس أحس شي يكتسبها الانسان من الحياة وكل ما صعبت علية الحياة كان افضل لأنة هالشي يقوية أكثر وأكثر الحين انا ثقتي بنفسي زينة ولا أبي أصير مغرورة ولا أبيها تكون ثقة عمياء لأن هالشي راح يضرني ما يفيدني :) والي عندها خجل اجتماعي خل دايما تتدرب على انها تكلم شخصية مهمة او اي احد يتقابلة بيوم وخايفة من هالشي صدقوني هالخوف راح يزيل وهالشي انا قاريتة بموضوع وطبقتة وكان كل شي اوكي :) .. وبعد أخذوا ورقة واكتبوا فيها أحسن الصفات الي فيكم والله والله والله والله هالطريقة مفيدة انا جربتها وكتبتها مرة وكنت فرحانة وبعدها ضاقت فيني الدنيا وحسيت ان ثقتي بنفسي بدت تدهور بس لما رديت قريت الورقة تذكرت أنا شلون كنت وصرت أقوى أكثر وثقتي بنفسي زادت

المسألة مسألة وقت لأن (( دوام الحال من المحال )) ومافي شي يبقى على حالة فمع الأيام يتقوى الأنسان ويتغير للأفضل اذا هو سعى لـ هالشي :) أما اذا قعد مكانة وقال انا فيني كذا وكذا وانا كنت كذا وكذا ما راح يعيش بالعكس هو قاعد ينتحر بشكل بيطيء وبعدين في كلمات لازم تكررونها في بالكم قولوا مثلا انا واثق من نفسي 100 مرة ورى بعض (( الحين جربوها )) راح تحسون بثقة كبيرررررررررررة لأن هالكلام يتخزن بعقولكم الباطنة مثلا اذا صار شي او موقف محرج راح تتذكر هالكلمة وراح تقول عادي انا واثق من نفسي شفتوا شلون :) ؟

انا اقولكم هالكلام عن تجربة يمكن انتم تشوفون الي أسويها هذي ما يسونها الا جهال بس لا هالأشياء ذاكرينها أطباء النفس وانا ما اسوي شي او اخربط بعمري وانا قلت لكم كل شي عن تجربة

بس انا الحين خجولة شوية واتمنى اتخلص من هالخجل وادعولي اني اتخلص منة واكيد راح أتخلص منة اذا كان الأنسان مصمم على شي فراح يصير :) وانا مابي افصخ الحيا مرة وحدة بس مابي اكون خجولة لدرجة كبيرة (( مع ان ثقتي بنفسي موجودة وذكرتها لكم بمواقف فوق بس انا خجولة بأشياء ما اعرف شلون اوصفها مثلا اذا دخلت مدرسة جديدة أو صف جديد لازم أخذ اسبوع واتعود على الصف والحين اني احسن من قبل 4 سنين صار عندي اكثر من صديقة او صديقتين قبل ميييييح مافي )) :42:

يلا طولت عليكم بااااااااااااي

ومشكورة على الموضوع

rtt5p[A'OLY/Q

بسم الله مشكوره يا لايالى على كل كلمه كتبتها فى هده الموضوع ولكننى اريد ان اشرح مساله معقده جدا رما لانها واجهتنى فى حياتى
فانا كنت على مر سنين حياتى اقرر ولكننى وجدت ان كل قراراتى احيانا تكون خطاء وعندما سلمت زمام امرى لغيرى وجدت ان قرارات الاخرين هى خطاء ايضا لهذا فانا لااثق فى نفسى ولا فى الاخرين وهده السبب الذى ولد لدى الشعور بالخوف من المستقبل ومن اى قرار اتخده واشعر احيانا اننى فى حاله جمود لا ثقه لا قرارات والشى الوحيد الذى يمكننى فعله هو الاتجاه الى الله بقرائت القران والدعاء ان يهدينى الله لاننى فى كل يوم انهض فى الصباح واقول كيف سيمر هده اليوم ؟؟؟؟؟؟؟؟؟؟ انه الخوف ومن كل شىء الى درجه اننى احيانا اشك حتى فى الاشخاص الذين احبهم ؟؟

الله يجزاك خير علي هالموضوع الحلو