هل انفصل او اكمل للاخير

السلام عليكم اخواتي العزيزات حابه استشيركم بموضوع مصيري بالنسبه لي ومو عارفه اتخذ قرار انا تقدم لي ولد خالتي ووافقت عليه وملكنا عمره 36 وانا 30 سنه طبعا هو متزوج من دوله عربيه وعنده طفلتين وسبب زواجه علي كلامه وكلام اهله انه زوجته دايم تتسبب بالمشاكل وتبي تروح لاهلها وماتعطيه حقوقه الشرعيه ومتمرده ودايم تسوي مشاكل وكان بيطلقها بس لانه أهلها مايبونها بعيالها فخلاها بس عشان العيال ويصرف عليها
طبعا حاليا احنا متملكين فقط ويجي كل شهر يجلس معاي مره وحده عشان نتعود علي بعض وكذا ونعرف بعض اكثر اخر مره جا وجلس معاي من 4 أيام وتكرمون قال يبي حمام ودخل الحمام ماادري وش الي خلاني افتش جواله واشوف محادثه بينه وبين زوجته والأمور طيبه وعاديه لا وبعد يخططون انها تحمل تقول له سويت اختبار الحمل وماضبط وهو يقول لها انشالله خيرها بغيرها ياقلبي نجيب نونو حق البنات وكذا طبعا انا انصدمت طالما اموره معاها اوك ليه يكذب علي ويقول لي حتي انه مايشوفها وانها جالسه بشقته الي ببيت اهله وهو ينام تحت بغرفته لما كان عزابي وحتي خالتي الله يهديها قالت هالكلام طلع كله كذب بكذب
والمصيبه اننا ماجلين الزواج شويات عشان هو يضبط وضعه المادي والحين يبي يجي عيال زياده ومصرف وروحات وجيات طبعا انا ماناقشته ولا حسسته اني فتشت جواله بس من يوم عرفت انهم كذبو علي وانا تعبانه ودي اطلب الطلاق ومحتاره هل اصارحه بالي عرفته او اسكت او اطلب الطلاق انا مو خرابه بيوت ولا وافقت الا لما عرفت انه شبه منفصل عنها قولو لي وش السواه انا بحيره عظيمه